ԿԱՅՔԻ ՔԱՐՏԵԶ
ԹԵԺ ԳԻԾ
29.03.2021 11:49
ԱՀ ՆԳ նախարարարության ոստիկանությունն ամփոփում է շաբաթը
Ոստիկանության ծառայողների օպերատիվ աշխատանքի և ձեռնարկած միջոցառումների շնորհիվ, 2021 թվականի մարտի 22-ից 28-ն ընկած ժամանակահատվածում ՆԳ նախարարության ոստիկանության համակարգի հերթապահ մասերում ստացված հաղորդումների մասին դեպքերը՝ նախորդ շաբաթվա համեմատ նվազել են:
Յոթօրյա ժամանակահատվածում հանրապետության տարածքում գրանցվել է շմոլ գազի թունավորման 3 դեպք: Այս մասով դժբախտ ելքով պատահարներ չեն գրանցվել:
Շաբաթվա ընթացքում բացահայտվել է նախկինում կատարված հանցագործության մեկ դեպք:
Գողության մասին 4 հաղորդում է ստացվել: Հանցագործությունները բացահայտելու նպատակով ոստիկանության ծառայողները ձեռնարկում են միջոցներ:
Ոստիկանության շրջանային և քաղաքային բաժիններում ծառայողները շարունակում են կատարել բացատրական աշխատանքներ՝ ապօրինի զենք կրելու, պահպանելու կամ փոխադրելու մասին: Շաբաթվա ընթացքում զենք-զինամթերքի կամովին հանձնման համար դիմել է 4 քաղաքացի:
Չեն նվազել ճանապարհատրանսպորտային պատահարների դեպքերը: Մեկ շաբաթվա կտրվածքով հանրապետության տարածքում արձանագրվել է 23 ՃՏՊ, որից 3-ը՝ մարմնական վնասներով, մյուս 20-ը՝ նյութական:
Շաբաթվա ընթացքում ՃՏՊ հետևանքով մահվան ելքով դեպքեր չեն արձանագրվել: