ԿԱՅՔԻ ՔԱՐՏԵԶ
ԹԵԺ ԳԻԾ
22.03.2021 12:32
ԱՀ ՆԳ նախարարության ոստիկանությունն ամփոփում է շաբաթը
2021 թվականի մարտի 15-ից 21-ն ընկած ժամանակահատվածում ԱՀ ՆԳ նախարարության ոստիկանության ՃՈ օպերատիվ կառավարման կենտրոնում ճանապարհատրանսպորտային դեպքերի, վթարների պատահարների մասին ստացվել է ընդհանուր 28 հաղորդում, որից 4-ը՝ մարմնական վնասվածքներով: Մարմանական վնասվածքով 4 ՃՏՊ-ից երեքը գրանցվել է Ստեփանակերտ քաղաքում, մեկը՝ Մարտակերտի շրջանում: Մահվան ելքով դեպքեր, բարեբախտաբար չեն արձանագրվել:
Յոթօրյա կտրվածքով ոստիկանության հերթապահ մասերում ստացվել է շմոլ գազի թունավորման մասին 5 հաղորդում: Քաղաքացիների թունավորվելու մեծ մասի պատճառը լոգարանում տեղադրված գազի կաթսայից արտանետված շմոլ գազն է և գազի վառարան շահագործելը: Շմոլ գազից թունավորված մահվան ելքով դեպքեր շաբաթվա ընթացքում չեն գրանցվել:
Անցած 7 օրվա ընթացքում հանրապետության տարածքում արձանագրվել է սպանության 3 դեպք, որից երկուսը նախնական տվյալներով՝ ինքնասպանության (ինքնահրկիզում) դեպքեր են, մյուսը՝ սպանության: Ստուգմամբ զբաղվում է քննչական կոմիտեն: Իրականացվում են անհետաձգելի քննչական և դատավարական գործողություններ դեպքերի բոլոր հանգամանքները պարզելու ուղղությամբ: Նշանակվել են դատաբժշկական փորձաքննություններ: Նախաքննություննը շարունակվում է:
Կատարվել է գողության 2 դեպք: Նախկինում կատարված հանցագործություններից բացահայտվել է 4-ը:
Ոստիկանության ծառայողների՝ բնակչության շրջանում իրականացված բացատրական աշխատանքների արդյունքում, ոստիկանության քաղաքային և տարածքային ստորաբաժանումներում 8 քաղաքացու կողմից կամովին հանձնվել է տարբեր տեսակի զենք-զինամթերք: