ԿԱՅՔԻ ՔԱՐՏԵԶ
ԹԵԺ ԳԻԾ
21.06.2021 15:14
ԱՀ ՆԳ նախարարության ոստիկանությունն ամփոփում է շաբաթը. 14.06.2021 - 20.06.2021
2021 թվականի հունիսի 14-ից 20-ն ընկած ժամանակահատվածում ՆԳ նախարարության ոստիկանության բոլոր ստորաբաժանումներն իրականացրել են ուժեղացված ծառայություն:
Նախորդ շաբաթվա համեմատ 2-ով աճել են ՃՏՊ դեպքերը, նվազել՝ ընդհանուր հանցագործությունների թիվը:
2021 թվականի հունիսի 14-ից 20-ն ընկած ժամանակահատվածում հանրապետության տարածքում արձանագրվել է մարմնական վնասվածքի` 5, անձնական ունեցվածքի գողության` 2, գույքի դիտավորությամբ ոչնչացման` 1, թմրանյութի հայտնաբերման` 7, թունավորման` 1 և զենք-զինամթերքի կամավոր հանձնման 8 դեպք: Մեկ անձի նկատմամբ հայտարարվել է հետախուզում:
Բոլոր ահազանգերով անմիջապես դեպքի վայրեր են մեկնել ոստիկանության տարածքային ստորաբաժանումների օպերատիվ խմբերը և օրենքով սահմանված կարգով ընթացքավորել դրանք։
Ընդհանուր առմամբ, ոստիկանության Հերթապահ մասում դեպքերի կամ պատահարների վերաբերյալ գրանցվել է 53 հաղորդում:
Համակարգի ծառայողների ձեռնարկած օպերատիվ միջոցառումների արդյունքում՝ 29-ն արդեն բացահայտվել և ընթացքավորվել է:
Հունիսի 14-ից 20-ն ընկած ժամանակահատվածում ԱՀ տարածքում գրանցվել է 22 ճանապարհատրանսպորտային պատահար, որից 16-ը նյութական վնասով, 6-ը՝ մարմնական: ՃՏՊ դեպքերից բուժհաստատություն է դիմել 8 քաղաքացի:
