ԿԱՅՔԻ ՔԱՐՏԵԶ
ԹԵԺ ԳԻԾ
30.08.2021 16:03
ԱՀ ՆԳ նախարարության ոստիկանությունն ամփոփում է շաբաթը. 23.08.2021 - 29.08.2021
2021 թվականի օգոստոսի 23-29-ն ընկած ժամանակահատվածում ոստիկանության 1-02 Հերթապահ մասում հանցագործությունների վերաբերյալ ստացվել է ընդհանուր 51 հաղորդում, որից 17-ը՝ ստուգման ենթակա այլ տեղեկություններ են։
Հանցագործության մասին 7 հաղորդումներով նախապատրաստվել են նյութեր: Առերևույթ հանցագործության հատկանիշներ պարունակող 18 տեղեկություններից 15-ը գտնվում է ստուգման փուլում:
Համակարգի ծառայողների կողմից ձեռնարկվել են բոլոր անհրաժեշտ միջոցառումները՝ հանցավորության դեմ պայքարն առավել արդյունավետ կազմակերպելու և կայուն հասարակական կարգ ու կանոն պահպանելու ուղղությամբ:
Շաբաթվա ընթացքում գրանցվել է մարմնական վնասվածք հասցնելու 4, անձնական ունեցվածքի գողության 4, բնակարանային գողության 1, յուրացման կամ վատնման 1, թմրանյութի հայտնաբերման 6 և թունավորման 1 դեպք:
Յոթ օրվա ընթացքում հանրապետության տարածքում գրանցվել է ճանապարհատրանսպորտային 21 պատահար, որից 17-ը՝ նյութական վնասով, 4-ը՝ մարմնակա: Տուժել է 12 քաղաքցի, նրանց առողջական վիճակը բավարար է: ՃՏՊ դեպքերց՝ բարեբախտաբար մահվան ելքով դեպքեր չեն արձանագրվել:
Ոստիկանության ծառայողներն անցած շաբաթվա ընթացքում ևս իրականացրել են շուրջօրյա համակարգված աշխատանք: Բացահայտվել է նախկինում կատարված հանցագործության 4 դեպք:
Ոստիկանների շնորհիվ հանրապետության տարածքում վերահսկվել է օպերատիվ իրավիճակը և պահպանվել կայուն հասարակական կարգ ու կանոն։