ԿԱՅՔԻ ՔԱՐՏԵԶ
ԹԵԺ ԳԻԾ
23.08.2021 21:05
ԱՀ ՆԳՆ նախարար Կ. Սարգսյանը պարգևատրել է նախարարության ֆուտբոլի հավաքական թիմին
ԱՀ ֆուտբոլի ֆեդերացիայի նախաձեռնությամբ՝պետական կառույցների և հիմնարկ-ձեռնարկությունների միջև տեղի ունեցած ֆուտբոլի մրցաշարի հաղթող ՆԳ նախարարության հավաքական թիմին այսօր իր աշխատասենյակում ընդունել ու պարգևների է արժանացրել նախարար Կարեն Սարգսյանը:
Նախարարը նախ շնորհավորել է առաջնության մասնակիցներին, նշել, որ այս հաղթանակը ոստիկանության և ԱԻՊԾ ծառայողների համատեղ առաջին հաղթանակն է, որը տրամաբանական շարունակություն կունենա ինչպես աշխատանքում, այնպես էլ տարաբնույթ առաջնություններում:
Կարեն Սարգսյանը կարևորել է մրցաշարի այսօրինակ ձևաչափը, որը նպաստում են հիմնարկ-ձեռնարկությունների միջև նոր կապերի հաստատմանը, առողջ ապրելակերպի խրախուսմանն ու նախարարության 2 համակարգի ծառայողների ակտիվ հանգստի ապահովմանը:
ՆԳ նախարարը հավաստիացրել է, որ իր և նախարարության հնարավորությունների սահմաններում ամեն ինչ անելու է՝ բոլոր ձեռնարկների իրականացմանն աջակցելու համար:
Հանդիպմանը մասնակցել են նախարարի տեղակալ Սամվել Պետրոսյանը, ոստիկանության պետ Արտյոմ Հարությունյանը, ԱԻՊԾ տնօրեն Մեխակ Արզումանյանը, ոստիկանության պետի տեղակալ Նորայր Բաբայանը, ԱԻՊԾ տնօրենի տեղակալ Սամվել Հայրումյանը, նախարարության աշխատակազմի ղեկավար Նարեկ Ավետիսյանը և նախարարի խորհրդական Հարութ Ավագյանը: