01.12.2021 13:43
ԱՀ ՆԳՆ Ոստիկանության պետ Արտյոմ Հարությունյանը անդառնալի կորստի կապակցությամբ վշտակցել է Համբարձումյանների ընտանիքին
Ոստիկանության պետ Արտյոմ Հարությունյանը, երեկ՝ նոյեմբերի 30-ին, ոստիկանության Մարտունու շրջանային բաժնի պետ Սուրեն Դանիելյանի և համակարգի մի խումբ ծառայողների ուղեկցությամբ այցելել է Մարտունու շրջանի Հերհեր համայնք, հարգանքի տուրք մատուցել 44-օրյա պատերազմում անմահահացած Շիրակ Համբարձումյանի հուշաքարին:
Ոստիկանության պետն անդառնալի կորստի կապակցությամբ վշտակցել է Համբարձումյանների ընտանիքին, Շիրակի հարազատներին ու մտերիմներին, նշել, որ համակարգի բոլոր ծառայողները պատրաստ են մշտապես աջակցել հայրենիքի պաշտպանության մարտերում նահատակված հերոսների ընտանիքներին: Իսկ նրանք, ովքեր երկրի փրկության համար զոհաբերել են իրենց կյանքը, հավերժ կապրեն մեր մեջ:
Նրանց սխրանքն անմահ է: