ԿԱՅՔԻ ՔԱՐՏԵԶ
ԹԵԺ ԳԻԾ
31.05.2022 11:45
ԱՀ ՆԳՆ ոստիկանություն՝ հարուցվել է քրեական գործ
Հ. Ս.-ն, հանդիսանալով ԱՀ Հադրութի շրջանի Տումի գյուղից տեղահանված և Ստեփանակերտ քաղաքի Մելքումով փողոցի թիվ 39 տանը ժամանակավոր բնակություն հաստատած Հ. Գ.-ի և Կ.Գ.-ի ազգականը, 09.09.2021թ.-ին կազմված և նոտարի կողմից վավերացված լիազորագրերի համաձայն՝ մեկ տարի ժամկետով լիազորված լինելով Հ.Ս.-ի և Կ. Գ.-ի անուններից «Արցախփոստ» ՓԲԸ-ից ստանալու նրանց հաշիվներում ունեցած թոշակները և այլ գումարները, ինչպես նաև կատարելու լիազորագրերի հետ կապված բոլոր անհրաժեշտ գործարքները, 2021թ. սեպտեմբեր ամսից մինչև 2022թ. ապրիլ ամիսն «Արցախփոստ» ՓԲԸ-ից ստացել է նշված անձանց համար նախատեսված սոցիալական նպաստները, թոշակները և պետության կողմից ցուցաբերվող ֆինանսական աջակցությունները՝ Կ. Գ.-ին հասանելիք 284.000 ՀՀ դրամ գումարը և Հ. Գ.-ին հասանելիք 859.000 ՀՀ դրամ գումարը, սակայն դրանք չի փոխանցել շահառուներ հանդիսացող Հ. Ս.-ին և Կ. Է. Գրիգորյանին՝ այդպիսով յուրացնելով խոշոր չափերի հասնող՝ ընդհանուր 1.143.284 ՀՀ դրամ գումար:
Նկատի ունենալով, որ նկարագրված դեպքն իր մեջ առերևույթ պարունակում է ԱՀ քրեական օրենսգրքի 185-րդ հոդվածի 2-րդ մասի 3-րդ կետով հանցագործության հատկանիշներ, ուստի ղեկավարվելով ԱՀ քրեական դատավարության օրենսգրքի 52-րդ, 186-187-րդ, 191-193-րդ և 198-րդ հոդվածներով, որոշվել է
1. Սույն դեպքի առթիվ ԱՀ քրեական օրենսգրքի 185-րդ հոդվածի 2-րդ մասի 3-րդ կետով հարուցել քրեական գործ, այն ընդունել վարույթ և կատարել հետաքննություն: