30.11.2021 15:11
ԱՀ ոստիկանության ծառայողի մասնագիտական օրն, ըստ էության նախորդ տարիների պես չի նշվել
ԱՀ ոստիկանության ծառայողի մասնագիտական օրն, ըստ էության նախորդ տարիների պես չի նշվել:
Նախ, երկրում ստեղծված հետպատերազմյան, ապա՝ համավարակի իրավիճակով պայմանավորված, ոստիկանության ծառայողների համար կազմակերպվել է մեծարման ու խոնարհման ձևաչափով ցերեկույթ, որի ընթացքում՝ պետական բարձր պարգևների են արժանացել համակարգի մի խումբ ծառայողներ:
ԱՀ ՆԳ նախարարության ոստիկանության աշխատակցի մասնագիտական օրվան նվիրված միջոցառումների շրջանակում՝ ՆԳ նախարար Կարեն Սարգսյանը, Պաշտպանության նախարար Կամո Վարդանյանը, ԱԱԾ տնօրեն Աշոտ Հակոբջանյանը, ԱԻՊԾ տնօրեն Մեխակ Արզումանյանը, ոստիկանության պետ Արտյոմ Հարությունյանի, տեղակալների և համակարգի մի խումբ ծառայողների ուղեկցությամբ, ծաղիկներ են խոնարհել Հայրենիքի պաշտպանության մարտերում անմահացած ոստիկանության ծառայողների հիշատակը հավերժացնող հուշարձանին և հուշանկյունի պատվանդանին: