ԿԱՅՔԻ ՔԱՐՏԵԶ
ԹԵԺ ԳԻԾ
11.08.2020 15:21
ԱՀ ոստիկանության պետը հյուրընկալել է Լեռնային Ղարաբաղում Կարմիր խաչի միջազգային կոմիտեի առաքելության նորանշանակ ղեկավարին
Օգոստոսի 11-ին Արցախի Հանրապետության ոստիկանության պետ, ոստիկանության գեներալ-մայոր Աշոտ Հակոբջանյանն ընդունել է Լեռնային Ղարաբաղում Կարմիր խաչի միջազգային կոմիտեի առաքելության ղեկավար Բերտրան Լամոնին։
Հանդիպման ընթացքում ԱՀ ոստիկանության պետը նախ շնորհավորել է Բերտրան Լամոնին նոր պաշտոնում նշանակվելու կապակցությամբ, այնուհետև կողմերը քննարկել են ոստիկանության և ԿԽՄԿ-ի հետ առաջնահերթությունների, ընդհանուր հետաքրքրությունների շրջանակների ճշգրտման, առաջիկայում Լեռնային Ղարաբաղի Անհայտ կորածների պատանդների և ռազմագերիների հարցերով զբաղվող նոր հանձնաժողովի կազմում ոստիկանության անմիջական մասնակցության և երկու կառույցների միջև առկա համագործակցության վերաբերյալ մի շարք հարցեր:
Հյուրերը պատրաստակամություն են հայտնել անհրաժեշտության դեպքում վերանայել ԱՀ ոստիկանության ծառայողների համար ԿԽՄԿ-ի մասին գիտելիքների տարածման գործընթացը։
Հանդիպմանը ներկա էին ԱՀ ոստիկանության պետի առաջին-տեղակալ, ոստիկանության գնդապետ Նորայր Բաբայանը և Լեռնային Ղարաբաղում Կարմիր խաչի միջազգային կոմիտեի առաքելության ղեկավարի տեղակալ Ռոման Շահրամանյանը։