ԿԱՅՔԻ ՔԱՐՏԵԶ
ԹԵԺ ԳԻԾ
21.08.2018 18:27
ԱՀ ոստիկանության պետը հյուրընկալեց ՀՀ ՊՆ ռազմական ոստիկանության պետի գլխավորած պատվիրակությանը
Սույն թվականի օգոստոսի 21-ին ԱՀ ոստիկանության պետ, ոստիկանության գնդապետ Իգոր Գրիգորյանը հյուրընկալեց Հայաստանի Հանրապետության պաշտպանության նախարարության ռազմական ոստիկանության պետ, գնդապետ Արթուր Բաղդասարյանի գլխավորությամբ Արցախ ժամանած պատվիրակությանը։
Հանդիպմանը մասնակցում էին նաև ԱՀ ոստիկանության պետի տեղակալները։
Արցախում հյուրընկալվելու համար ողջունելով հյուրերին, ոստիկանության պետը գոհունակություն հայտնեց ԱՀ ոստիկանության և ՀՀ ՊՆ ռազմական ոստիկանության միջև ձևավորված համագործակցության համար և ընդհանուր ծառայության արդյունավետության էլ ավելի բարձրացման ուղղությամբ հատուկ քննարկման ենթարկեց մի շարք առանցքային հարցեր։
Այնուհետև տեղի ունեցավ պարգևատրման արարողություն։
ԱՀ ոստիկանության կադրերի բաժնի պետ, ոստիկանության փոխգնդապետ Արմեն Բաղրյանը հրապարակեց ոստիկանության պետի հրամանը, համաձայն որի, ՀՀ ՊՆ ռազմական ոստիկանության և ԱՀ ոստիկանության միջև սերտ համագործակցության համար ՀՀ ՊՆ ՌՈ պետի ծառայության գծով տեղակալ٫ գնդապետ Արամ Բաղդասարյանը և պարետային ծառայության պետ, գնդապետ Գագիկ Ղուկասյանը պարգևատրվեցին «Համագործակցության ամրապնդման համար» մեդալով։