22.07.2022 21:13
Այսօր 44-օրյա պատերազմում անմահացած Հրայր Դանիելյանի ծննդյան օրն է
Այսօր 44-օրյա պատերազմում անմահացած, ոստիկանության լեյտենանտ Հրայր Դանիելյանի ծննդյան օրն է: Նա կդառնար 25 տարեկան:
Հրայր Մհերի Դանիելյանը ծնվել է 1997 թվականի հուլիսի 22-ին՝ Մարտունու շրջանի Նոր-շեն համայնքում:
2020 թվականին ավարտել է Արցախի պետական համալսարանի իրավագիտության բաժինը՝ իրավաբան մասնագիտությամբ:
2015 - 2017 թթ. ծառայել է ԱՀ ՊԲ շարքերում:
2020թ. օգոստոսի 15-ից ծառայության է անցել ԱՀ ոստիկանության տնտեսական և կոռուպցիոն հանցագործությունների դեմ պայքարի վարչության կոռուպցիոն հանցագործությունների դեմ պայքարի բաժնում, որպես օպերլիազոր:
Սեպտեմբերի 27-ից՝ ոստիկանության համահավաք գումարտակի անձնակազմի հետ միասին մասնակցել է հայրենիքի փրկության մարտերին: Զոհվել է 2020 թվականի հոկտեմբերի 15-ին՝ Հադրութի շրջանի «Թութակ» տեղամասում:
ՆԳ նախարարության ոստիկանության տնտեսական և կոռուպցիոն հանցագործությունների դեմ պայքարի վարչության պետ Իգոր Օհանյանը և համակարգի մի խումբ ծառայողներ, այսօր այցելել են Հրայրի շիրիմին, հարգանքի տուրք մատուցել և ծաղիկներ խոնարհել նրա հուշաքարին, շնորհավորել հերոսի երկնային ծնունդը, զորակցել Դանիելյանների ընտանիքին: