11.05.2022 17:52
Այսօր ԱՀ ոստիկանության կապիտան Գևորգ Ռաֆայելի Կիրակոսյանի ծննդյան օրն է։ Նա կդառնար 34 տարեկան։
Երևանում ԱՀ ՆԳՆ ոստիկանության ներկայացուցիչ Արթուր Հովհաննիսյանը և համակարգի մի խումբ ծառայողներ` այսօր «Եռաբլուր» զինվորական պանթեոնում հարգանքի տուրք են մատուցել Գևորգ Կիրակոսյանի շիրմաքարին, զորակցություն հայտնել Կիրակոսյանների ընտանիքի անդամներին, շնորհավորել հերոս ոստիկանի երկնային ծնունդը։
ԱՀ ոստիկանությունում Գևորգը ծառայում էր 2014 թվականից` զբաղեցնելով Շահումյանի շրջանային բաժնի պրոֆիլակտիկայի բաժանմունքի տեղամասային տեսուչի պաշտոնը։
Ուներ ոստիկանության կապիտանի կոչում։
Սեպտեմբերի 27-ից՝ ոստիկանության համահավաք գումարտակի անձնակազմի հետ մասնակցել է հայրենիքի պաշտպանության համար մղված թեժ մարտերին:
Զոհվել է 2020 թվականի հոկտեմբերի 31-ին՝ Ասկերանի վերին ենթաշրջանի Սղնախ գյուղի մատույցներում:
ԱՀ Նախագահի հրամանագրով Գ.Կիրակոսյանը հետմահու պարգևատրվել է «Արիություն» մեդալով: