30.10.2021 14:15
Այսօր ոստիկանության փոխգնդապետ Գագիկ Պետրոսյանի հիշատակի օրն է
ԱՀ ՆԳՆ ոստիկանության շտաբի պետ փոխգնդապետ Արմեն Մովսիսյանի, ինֆորմացիոն կենտրոնի պետ, գնդապետ Գեղամ Գաբրիելյանի գլխավորությամբ, այսօր համակարգի մի խումբ ծառայողներ Երևանի «Եռաբլուր» պանթեոնում հարգանքի տուրք են մատուցել Գագիկ Պետրոսյանի շիրմաքարին, զորակցություն հայտնել Պետրոսյանների ընտանիքի անդամներին, հարազատներին ու մտերիմներին։
Ծնվել է 1982թ. դեկտեմբերի 10-ին, Ասկերանի շրջանի Ավետարանոց գյուղում։
2001-2003թթ.ծառայել է ԼՂՀ ՊԲ-ում։
2008թ. մայիսի 5-ից ծառայության է անցել ԱՀ ոստիկանության տնտեսական և պաշտոնեական հանցագործությունների դեմ պայքարի բաժնում։
2020թ.հունիսի 25-ին նշանակվել է ԱՀ ոստիկանության տնտեսական և կոռուպցիոն հանցագործությունների դեմ պայքարի վարչության կոռուպցիոն հանցագործությունների դեմ պայքարի բաժնի պետ։
Ուներ ոստիկանության փոխգնդապետի կոչում։
Սեպտեմբերի 27-ից՝ ոստիկանության համահավաք գումարտակի անձնակազմի հետ մասնակցել է հայրենիքի պաշտպանության համար մղված թեժ մարտերին:
Զոհվել է 2020թ.հոկտեմբերի 28-ին՝ Ասկերանի վերին ենթաշրջանում, հայրենի Ավետարանոց գյուղի պաշտպանության համար մղված թեժ մարտերի ընթացքում՝ դիպուկահարի կրակոցից:
ԱՀ Նախագահի հրամանագրով հետմահու պարգևատրվել է «Արիություն» մեդալով:
Հանգչում է Երևանի «Եռաբլուր» պանթեոնում: