ԿԱՅՔԻ ՔԱՐՏԵԶ
ԹԵԺ ԳԻԾ
04.08.2014 15:03
Առևանգել և ծեծել է տասներեքամյա տղայի
Օգոստոսի 2-ին Ստեփանակերտ քաղաքի Մխիթար Գոշի փողոցի թիվ 10 շենքի N բնակարանի բնակիչ, 1978թ. ծնված Ա. Հ-ն ոստիկանության քաղվարչություն է դիմել այն մասին, որ նույն օրը, ժամը 17:45-ի սահմաններում, իրենց շենքի բակից անհայտ անձինք «ՎԱԶ-2106» մակնիշի ավտոմեքենայով առևանգել են իր որդուն` 2001թ. ծնված Ա. Հ-ին:
Ձեռնարկված միջոցառումների շնորհիվ պարզվել է, որ Վ. Սարոյան փողոցի թիվ 5 շենքի N բնակարանի բնակիչ, 1995թ. ծնված Պ. Ս-ն և նույն փողոցի թիվ 6 շենքի N բնակարանի բնակիչ, 2002թ. ծնված Դ. Օ-ն նշված ավտոմեքենայով Մխիթար Գոշի փողոցի թիվ 10ա շենքի բակից առևանգել են Ա. Հ-ին, տեղափոխել Վ. Սարոյան փողոցի թիվ 5 շենքի բակ, որտեղ վերջինիս ծեծի է ենթարկել Դ. Օ-ի հայրը` նույն շենքի բնակիչ, 1966թ. ծնված Ռ. Գ-ն: