ԿԱՅՔԻ ՔԱՐՏԵԶ
ԹԵԺ ԳԻԾ
23.12.2021 23:33
Առևանգում, սպանության սպառնալիք ու ծեծ
Հարուցվել է քրեական գործ.
2021թ. դեկտեմբերի 3-ին ժամը 20։00-ի սահմաններում, Ստեփանակերտ քաղաքի բնակիչներ Է.Պ-ն, Ա.Ա-ն, Ռ.Գ-ն, Լ.Բ-ն և Դ.Գ-ն Ստեփանակերտ քաղաքի Ա. Մանուկյան փողոցում Մարտունու շրջանի Թաղավարդ գյուղի բնակիչ Բ.Գ-ին հարկադրաբար նստեցրել են Ա.Ա-ի կողմից շահագործվող «Մերսեդես» մակնիշի ավտոմեքենան, տեղափոխել Նաբերեժնայա փողոցում գտնվող «Ամրոց» ռեստորանի տարածքում առկա ավտոտեխսպասարկման կետ, որտեղ ավտոտնակներից մեկում հարվածներ հասցնելով Բ.Գ-ի մարմնի տարբեր մասերին՝ ծեծի են ենթարկել նրան՝ պատճառելով ֆիզիկական ցավ և առողջությանը թեթև վնասի հատկանիշներ չպարունակող մարմնական վնասվածք, որի ժամանակ Է.Պ-ն նաև ատրճանակը պահելով Բ.Գ-ի ուղղությամբ՝ տվել է սպանության սպառնալիք:
Դեպքի առթիվ ԱՀ ոստիկանության կողմից 2021թ. դեկտեմբերի 21-ին հարուցվել է քրեական գործ՝ ԱՀ քրեական օրենսգրքի 129-րդ հոդվածի 2-րդ մասի 1-ին կետով, 135-րդ հոդվածի 1-ին մասով և 117-րդ հոդվածով:
Իրականացվում է հետաքննություն:
Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ԱՀ քրեական դատավարության օրենսգրքով նախատեսված կարգով, դատարանի` օրինական ուժի մեջ մտած դատավճռով:
