ԿԱՅՔԻ ՔԱՐՏԵԶ
ԹԵԺ ԳԻԾ
08.06.2021 18:19
ԱՎՎ ծառայողները այցելել են մեր հայրենակիցներին
ԱՀ ՆԳ նախարարության ոստիկանության Ստեփանակերտ քաղաքի վարչության անձնագրային և վիզաների բաժինը ծառայություն է մատուցել սահմանափակ կարողություն կամ հաշմանդամություն ունեցող մի խումբ քաղաքացիների:
Անձնագրային և վիզաների վարչության պետ Անդրեյ Մկրտչյանի նախաձեռնությամբ, ծառայողներն այցելել են ԱՀ այն քաղաքացիներին, ովքեր անձնագիր ստանալու համար հնարավորություն չունեն ներկայանալ ոստիկանություն:
Անձնագրային բաժնի պետ Անահիտ Հայրապետյանը և անձնագրային բաժնի մի խումբ ծառայողներ երեկ այցելել են տեղահանված ու Ստեփանակերտում ապաստանած, հոգեթմրաբանական դիսպանսերում և հանրապետական բժշկական կենտրոնում բուժում ստացող մեր հայրենակիցներին, ինչպես նաև տուն-ինտերնատում բնակվող տարեցներին:
Այսօրինակ այցերը ոստիկանության օրենքով նախատեսված չեն, սակայն հաշվի առնելով ստեղծված իրավիճակը՝ անձնագրային վարչությունը նման մոտեցում է ցուցաբերել: