ԿԱՅՔԻ ՔԱՐՏԵԶ
ԹԵԺ ԳԻԾ
30.06.2020 12:31
Ավտոմեքենա է կողաշրջվել
Հունիսի 29-ին ԱՀ ոստիկանության Մարտակերտի շրջանային բաժնի ծառայողը զեկուցագիր է ներկայացրել այն մասին, որ Ճանկաթաղ գյուղում տեղի ունեցած ճանապարհատրանսպորտային պատահարի ստուգման արդյունքում պարզվել է, որ հունիսի 28-ին ժամը 18:45-ի սահմաններում, Ստեփանակերտ քաղաքի բնակիչ, 1997թ.ծնված Դ. Պ.-ն «Կաշենի» լեռնահանքային համալիրի թիվ 2 անցակետում կորցրել է «ԶԻԼ-130» մակնիշի ավտոմեքենայի ղեկակառավարումը և կողաշրջվել, ինչի հետևանքով ստացել է աջ ձեռքի քերծվածք վերքեր, սակայն հիվանդանոց չի դիմել:
Նախնական տվյալներով վթարի պատճառ է հանդիսացել վարորդի անսթափ լինելը և ավտոմեքենայի արգելակման համակարգի անսարքությունը:
Դ. Պ.-ին տրվել է դատաբժշկի ուղեգիր:
Ստուգմամբ զբաղվում է ԱՀ ոստիկանության Մարտակերտի շրջանային բաժինը: