ԿԱՅՔԻ ՔԱՐՏԵԶ
ԹԵԺ ԳԻԾ
12.08.2020 11:55
Ավտոմեքենան կողաշրջվել է
Օգոստոսի 9-ին ժամը 22:10-ին ՀՀ ոստիկանության Գորիսի բաժնից հաղորդում է ստացվել ԱՀ ոստիկանության Քաշաթաղի շրջանային բաժին այն մասին, որ նույն օրը ժամը 21:25-ին «Գորիս բժշկական կենտրոն» է դիմել Բերձոր քաղաքի բնակիչ, 1997թ.ծնված Ա. Ա.-ն աջ ուսահոդի, դաստակի շրջանային քերծվածք ախտորոշմամբ և Քաշաթաղի շրջանի բնակիչ, 2001թ.ծնված Ս. Ա.-ն ձախ բազկի, քթի քերծվածքներ ախտորոշմամբ, վերջիններիս հայտարարությամբ նրանք մարմնական վնասվածքները ստացել են օգոստոսի 9-ին ժամը 17:00-ի սահմաններում, Քաշաթաղի շրջանի Միրիկ գյուղում կիսակառույց շինության տանիքից ընկնելու հետևանքով:
Ստուգմամբ պարզվել է, որ օգոստոսի 9-ին ժամը 16:00-ի սահմաններում Ա. Ա.-ն վարելով «Mitsubishi Pajero IO» առանց հաշվառման համարանիշի ավտոմեքենան, Միրիկ-Բերդիկ ավտոճանապարհի 4-րդ կիլոմետրին կողաշրջվել է, ինչի հետևանքով ինքը և ուղևոր՝ Ս. Ա.-ն ստացել են վերը նշված մարմնական վնասվածքները:
Ստուգմամբ զբաղվում է ԱՀ ոստիկանության Քաշաթաղի շրջանային բաժինը:
