ԿԱՅՔԻ ՔԱՐՏԵԶ
ԹԵԺ ԳԻԾ
16.04.2019 09:21
Արցախի Հանրապետության ոստիկանության պետ¸ ոստիկանության գնդապետ Իգոր Գրիգորյանի շնորհավորական ուղերձը` Հայաստանի Հանրապետության ոստիկանության օրվա առթիվ
Հարգելի Վալերիյ Ռազմիկի.
Արցախի Հանրապետության ոստիկանության կոլեգիայի և անձամբ իմ անունից շնորհավորում եմ Ձեզ, ՀՀ ոստիկանության ողջ անձնակազմին և վետերաններին Հայաստանի Հանրապետության ոստիկանության օրվա առթիվ։
Մինչև կանոնավոր բանակի ձևավորումը¸ լինելով կազմակերպված ուժային կառույցներից մեկը¸ ոստիկանությունը զգալի ավանդ է ունեցել Արցախյան հաղթական գոյամարտի ընթացքում ու այսօր էլ շարունակում է արժանապատվորեն իրականացնել Հայաստանի Հանրապետության սահմանների պաշտպանությունը։
Ամենաբարձր մակարդակի վրա գտնվող մեր գործընկեր կառույցների համագործակցությունը ընդօրինակելի է, ու Արցախի Հանրապետության ոստիկանությունը իր թիկունքում միշտ զգացել է Հայաստանի Հանրապետության ոստիկանության աջակցությունը մեր կառույցի նյութատեխնիկական բազայի նորացման և համալրման¸ հանցագործությունների բացահայտման ու կադրերի պատրաստման գործում։
Եվս մեկ անգամ շնորհավորելով ՀՀ ոստիկանության օրվա առթիվ¸ մաղթում եմ հաջողություններ` ինչպես ծառայության մեջ¸ այնպես էլ անձնական կյանքում։
Թող Աստված օրհնի հայոց աշխարհը, խաղաղություն և բարգավաճում մեր երկրին։