ԿԱՅՔԻ ՔԱՐՏԵԶ
ԹԵԺ ԳԻԾ
24.03.2021 11:31
Բռնություն է գործադրել ոստիկանության ծառայողի նկատմամբ
Մարտի 23-ին ոստիկանության Ստեփանակերտ քաղաքի վարչության ՔՀԲ ծառայողը զեկուցագիր է ներկայացրել այն մասին, որ նույն օրը ժամը 18:25-ին ԱՀ ոստիկանության ԱՎՎ ծառայողը «Զառին բաղ» կոչվող տեղամասում ծառայություն իրականացնելու ժամանակ կանգնեցրել է «Merceders-Benz Vito» 33 OD 967 ավտոմեքենան, որի վարորդ՝ ոմն Ի.-ն վիճաբանության մեջ է մտել վերջինիս հետ և միմյանց քաշքշել են:
Կատարված ստուգումներից պարզվել է, որ Ա. Դ.-ն նույն օրը ժամը 17:30-ի սահմաններում «Զառին բաղ» կոչվող տեղամասում ծառայություն իրականացնելու ժամանակ, կանգնեցնել է նշված ավտոմեքենան, սակայն ավտոմեքենայի վարորդ՝ Ի.-ն (տվյալները պարզվում են) ավտոմեքենան կանգնեցնելու պատճառը չհասկանալով ու դուրս գալով ավտոմեքենայից քաշքշել և բռնություն է գործադրել Ա. Դ.-ի նկատմամբ:
Ստուգմամբ զբաղվում է ոստիկանության Ստեփանակերտ քաղաքի վարչությունը:
