ԿԱՅՔԻ ՔԱՐՏԵԶ
ԹԵԺ ԳԻԾ
12.05.2020 11:51
Բռնություն իշխանության ներկայացուցչի նկատմամբ
Մայիսի 11-ին ԱՀ ոստիկանության ՃՈ ՃՊԾ գումարտակի 1-ին վաշտի 2-րդ դասակի 1-ին ջոկի տեսուչը հեռախոսով հաղորդել է ԱՀ ոստիկանության Ստեփանակերտ քաղաքի վարչություն այն մասին, որ Ստեփանակերտ քաղաքի «Հաղթանակի» հրապարակում տեղակայված «Արարատ» բանկի դիմաց վիճաբանություն է տեղի ունենում:
ԱՀ ոստիկանության ծառայողը պարզել է, որ ժամը 20:20-ի սահմաններում ՃՈ տեսուչ Ա. Գ.-ն նկատելով, որ «Հաղթանակի» հրապարակում շրջանաձև երթևեկությունով գլխավոր ճանապարհով երթևեկող «Գազել» մակնիշի ավտոմեքենայի վարորդի հասցեին հայհոյանքներ հնչեցնելու համար ՃՈ տեսուչը մոտեցել է մայրաքաղաքի բնակիչ,1974թ. ծնված Ա. Մ.-ի կողմից վարվող «Մերսեդես» մակնիշի ավտոմեքենային և տեղեկացրել, որ ՃԵԿ-ի կանոնների փոփոխություն է տեղի ունեցել, ինչին ուղևոր՝ մայրաքաղաքի բնակիչ, 1983թ. ծնված Ս. Ն.-ն իջնելով ավտոմեքենայից հայհոյանքներ է հնչեցրել ՃՈ տեսուչ Ա. Գ.- հասցեին ձեռքերով և ոտքերով հարվածներ է հասցրել մարմնի տարբեր մասերին` պատճառելով մարմնական վնասվածք:
Նշանակվել է դատաբժշկական փորձաքննություն:
Ա. Մ.-ն և Ս. Ն.-ն բերման են ենթարկվել ԱՀ ոստիկանության Ստեփանակերտ քաղաքի վարչություն:
Ստուգմամբ զբաղվում է ԱՀ ոստիկանության Ստեփանակերտ քաղաքի վարչությունը: