ԿԱՅՔԻ ՔԱՐՏԵԶ
ԹԵԺ ԳԻԾ
20.03.2022 19:46
Գողության դեպքերի բացահայտում
Մարտի 19-ին հաղորդում է ստացվել՝ անհայտ անձի կողմից Ստեփանակերտ քաղաքի Վ.Սարգսյան փողոցի թիվ 5/40 հասցեում տեղակայված «Անդրեյ Գրիգորյան» ԱՁ մթերային խանութից գողություն կատարելու մասին:
Համատեղ ԱՀ ոստիկանության քրեական հետախուզության վարչության ծառայողների հետ, ձեռնարկված միջոցառումների արդյունքում պարզվել է, որ նույն օրը ժամը 03:00-ի սահմաններում, վերոնշյալ գողությունը կատարել է Երևան քաղաքի բնակիչ Վ.Ռ.-ն (ծնված 1977թ.):
Վարջինս բերման է ենթարկվել ոստիկանության քաղաքային վարչություն: Գողոնը վերցված է:
Ստուգմամբ զբաղվում է Ստեփանակերտ քաղաքի վարչությունը:
Մարտի 20-ին ժամը 09:55-ին Ստեփանակերտ քաղաքի բնակիչը հեռախոսով հաղորդել է այն մասին, որ Ազատամարտիկների փողոցի թիվ 35/11 հասցեում գտնվող հացի արտադրամասից գողացել են հացի վառարանի սնուցման սարքեր:
Վերջինս կասկածում է, որ գողությունը կատարել է ՀՀ Աբովյան քաղաքի բնակի Ա. Մ.-ին (ծնված 1981թ.):
Մեկնած հետաքննիչ Մ. Բաբայանը պարզել է, որ ս.թ. մարտի 19-ին ժամը 15:00-ից 16:00-ն ընկած ժամանակահատվածը Ա. Մ.-ն Ազատամարտիկների փողոցի թիվ 35/11 և 52/11 հասցեններում գտնվող «Խլեբնիցա» ՍՊԸ հացի արտադրամասերից վերցրել է «Bassanina» տեսակի վառարանի սնուցման սարքը և 50կգ տարողությամբ խմորխառնիչը:
Ստուգմամբ զբաղվում է ոստիկանության Ստեփանակերտ քաղաքի վարչությունը: