ԿԱՅՔԻ ՔԱՐՏԵԶ
ԹԵԺ ԳԻԾ
17.12.2015 17:52
Դանակով սպառնացել է տաքսու վարորդին
Դեկտեմբերի 16-ին Ասկերանի շրջանի Նախիջևանիկ գյուղի բնակիչ, 1987թ. ծնված Գ. Գ-ն հեռախոսով ոստիկանության շրջբաժնի հերթապահ մաս է հաղորդել այն մասին, որ Ստեփանակերտ-Ննգի-Մարտունի ավտոճանապարհին անծանոթ քաղաքացին դանակով սպառնացել է «ՎԱԶ-2107» մակնիշի տաքսու վարորդին:
Պարզվել է, որ նույն օրը՝ ժամը 17:50-ի սահմաններում, ՀՀ Շիրակի մարզի Ոսկեհասկ գյուղի բնակիչ, 1976թ. ծնված Ս. Մ-ն (ժամանակավոր բնակվում է ք.Ստեփանակերտ) ուրիշի գույքը հափշտակելու նպատակով, նշված ավտոճանապարհի 8-րդ կիլոմետրին, ավտոմեքենայի մեջ դանակով սպառնացել է վարորդ՝ Ստեփանակերտ քաղաքի Հեքիմյան փողոցի թիվ 7 շենքի N բնակարանի բնակիչ, 1946թ. ծնված Գ. Մ-ին և պահանջել գումար: