ԿԱՅՔԻ ՔԱՐՏԵԶ
ԹԵԺ ԳԻԾ
24.12.2018 11:33
Իշխանության ներկայացուցչի նկատմամբ բռնություն գործադրելը և գույքի դիտավորյալ ոչնչացում
Ս.թ. դեկտեմբերի 22-ին ժամը 22:55-ին ԱՀ ոստիկանության Ստեփանակերտ քաղաքի վարչության ծառայողները՝ Վերածննդի հրապարակից անսթափ գտնվելու և իրեն անվայել պահելու համար,Ստեփանակերտ քաղաքի բնակիչ,1995թ.ծնված Ա. Հ-ին «ՖՈՐԴ ՏՐԱՆԶԻՏ» մակնիշի ավտոմեքենայով ԱՀ ոստիկանության Ստեփանակերտ քաղաքի վարչություն բերելու ընթացքում,Ստեփանակերտի Դավիթ Բեկի ևԿամո փողոցների խաչմերուկում վերջինիս եղբայր` Ստեփանակերտ քաղաքի բնակիչ,1994թ.ծնված Ա. Հ-ն «Օպել» մակնիշի ավտոմեքենայով կանգնել է «ՖՈՐԴ ՏՐԱՆԶԻՏ» մակնիշի ավտոմեքենայի դիմաց` փակելով ճանապարհը, որից հետո իջնելով իր ավտոմեքենայից մոտեցել է ոստիկանության ավտոմեքենային քաշել դուռը, ինչի հետևանքով դուռը դիպչելով ավտոմեքենայի կողային հայելուն ջարդել է այն, տեղից դուրս եկել ու ընկել գետնին, այնուհետև վերջինս ոտքով մեկ անգամ հարվածել է Ն. Ս-ի որովայնին: