20.09.2022 09:17
Խարդախության դեպք
Մարտակերտ քաղաքի 47-ամյա բնակիչ Ռ.Ղ.-ն սեպտեմբերի 12-ին դիմել է ոստիկանության Տնտեսական և կոռուպցիոն հանցագործությունների դեմ պայքարի վարչություն այն մասին, որ 2021թ. սեպտեմբերի 10-ին Մարտակերտ քաղաքի Դանիել Բեկ-Փիրումյան փողոցում գտնվող իրեն պատկանող տանը վարձակալության հիմունքներով բնակություն է հաստատել ՀՀ Երևան քաղաքի բնակիչ՝ Է. Յ.-ն։
Վերջինս իմանալով, որ Ռ.Ղ.-ն ունի ֆինանսական խնդիրներ և ավելացված է վարկային պատմության «սև ցուցակում», իրեն ասել ևառաջարկել է, որ ինքը գաղտնի կապի մեջ է «Ամերիաբանկ» ՓԲ ընկերության տնօրինության հետ և հնարավորություն ունի մոտ 200.000 ՀՀ դրամ գումարի դիմաց կազմակերպել, որ հանեն «սև ցուցակից» և տրամադրեն 6-7 միլիոն դրամի հասնող վարկ։
Ռ.Ղ.-ն համաձայնվելով ձեռք է բերել պայմանավորվածություն և առաջարկել է, որ տան 50.000 ՀՀ դրամ վարձը չվճարի և Է.Յ.-ին առձեռն փոխանցել է ևս 100.000 ՀՀ դրամ գումար: Վերջինս մեկնել է ՀՀ Երևան քաղաք՝ վարկային գործընթացը կազմակերպելու համար։ Դրանից հետո Է.Յ.-ն զանգահարել և պահանջել է ևս 31.000 ՀՀ դրամ գումար տերմինալի միջոցով փոխանցել իր կողմից տրամադրված բանկային քարտի հաշվին և «ԻԴրամ» էլեկտրոնային դրամապանակին՝ պատճառաբանելով, որ տրամադրված գումարը քիչ է գործարքը կատարելու համար, որն էլ Մարտակերտ քաղաքի բնակիչը փոխանցել է։ Գումարները փոխանցելուց հետո Է.Յ.-ն հափշտակել է այն և չի կատարել ձեռք բերված պայմանավորվածությունները։
Նշված եղանակով ընդհանուր 181.000 ՀՀ դրամ գումարները հափշտակվել է, ինչի արդյունքում Ռ.Ղ.-ին պատճառվել է գույքային վնաս։
Ոստիկանության Տնտեսական և կոռուպցիոն հանցագործությունների դեմ պայքարի վարչությունը ձեռնարկում է համապատասխան միջոցներ՝ այսօրինակ հանցագործությունների բացահայտման և դրանք հետագայում բացառելու ուղղությամբ:
Վարչությունն անհրաժեշտ է համարում, կրկին դիմել բոլոր քաղաքացիներին.
Չտրվել խաբկանքներին, ցուցաբերել զգոնություն, մերժել սոցիալական ցանցերի միջոցով վարկեր տրամադրելու, վարկային պատմության «սև ցուցակից» հանելու բոլոր գաղթակղիչ առաջարկները, անհապաղ դիմել տնտեսական և կոռուպցիոն հանցագործությունների դեմ պայքարի վարչություն կամ ոստիկանության մոտակա բաժին: