ԿԱՅՔԻ ՔԱՐՏԵԶ
ԹԵԺ ԳԻԾ
18.02.2022 23:55
Խարդախություն` համակարգչային տեխնիկայի օգնությամբ
Փետրվարի 18-ին ԱՀ ՆԳՆ ոստիկանության տնտեսական և կոռուպցիոն հանցագործությունների դեմ պայքարի վարչություն է մուտքագրվել` Մարտակերտի շրջանի Հարությունագոմեր գյուղի 21-ամյա բնակիչ Ա.է.-ի դիմումն այն մասին, որ փետրվարի 16-ին «Facebook» սոցիալական ցանցի միջոցով «Varker Sev Cucakum Gtnvoxnerin» անվամբ գրանցված օգտատիրոջ հետ ձեռք է բերել 3.200.000 ՀՀ դրամի վարկային գործարք կատարելու պայմանավորվածություն և վարկի ձևակերպման համար Ա.Է.-ից պահանջել են տերմինալի միջոցով «Adjarabet» բուքմեյքերական ընկերության ID խաղային հաշվին փոխանցել 200.000 ՀՀ դրամ գումար։
Նշված եղանակով գումարները փոխանցելուց հետո հափշտակվել է անհայտ անձի կողմից, ինչի արդյունքում վերջինիս պատճառվել է զգալի չափի նյութական վնաս։
Ստուգմամբ զբաղվում է ԱՀ ոստիկանության տնտեսական և կոռուպցիոն հանցագործությունների դեմ պայքարի վարչությունը։
Վարչությունը միաժամանակ հորդորում է. Խարդախության միջոցով գումարի հափշտակման դեպքերը բացառելու նպատակով` չտրվել խաբկանքներին և ցուցաբերել զգոնություն:
