ԿԱՅՔԻ ՔԱՐՏԵԶ
ԹԵԺ ԳԻԾ
30.06.2021 17:22
Խորհրդակցություն ՃՈ-ում՝ ոստիկանության պետ Ա. Հարությունյանի մասնակցությամբ
ԱՀ ՆԳ նախարարության ոստիկանության պետ Արտյոմ Հարությունյանը, երեկ՝ հունիսի 29-ին, ճանապարհային ոստիկանության ծառայողների հետ անց է կացրել հերթական աշխատանքային խորհրդակցությունը՝ «Ճանապարհային երթևեկության կազմակերպման աշխատանքների ազդեցությունը անվտանգ երթևեկության կազմակերպման աշխատանքների վրա» թեմայով:
Հանդիպմանը հիմնական զեկույցով հանդես է եկել ՃՈ պետ Մավրիկ Նասիբյանը:
Ճանապարհների և փողոցների վիճակի վերահսկողության նպատակով 2021 թվականի 5 ամիսների ընթացքում կազմակերպվել է 16 հետազոտություն և 2 առաջարկություն, արդյունքները գրավոր ներկայացվել են ԱՀ քաղաքաշինության նախարարություն, Ստեփանակերտի քաղաքապետարան և տեղական ինքնակառավարման մարմիններ` ճանապարհների առկա թերությունները վերացնելու համար:
ՃՈ պետը իր զեկույցում մասնավորապես նշել է, որ առաջարկ է ներկայացվել հանրապետության միջպետական և հանրապետական ճանապարհների վթարավտանգ տեղամասերում արագությունը որոշակիորեն սահմանափակելու մինչև 70կմ/ժ արագության վերաբերյալ, ինչպես նաև նախատեսվում է մայրաքաղաքի բոլոր հին լուսացույցային օբյեկտները 2021 թվականի ընթացքում փոխարինել նորերով:
Խորհրդակցության ժամանակ առաջարկությունների փաթեթով ելույթ է ունեցել ճանապարհային ոստիկանության հատկապես կարևոր հանձնարարություններով ավագ տեսուչ, ինժեներ Արսեն Խաչատրյանը:
Հանդիպման ավարտին ոստիկանության պետի կողմից տրվել են մի շարք հանձնարարականներ ճանապարհապարեկային ծառայությունն այսուհետ էլ ավելի բարձր մակարդակով կազմակերպելու համար:
