01.12.2021 14:49
Հարգանքի տուրք՝ 44-օրյա պատերազմում անմահացած Հրայր Դանիելյանի հիշատակին
ԱՀ ՆԳ նախարարության ոստիկանության պետի առաջին տեղակալ Նորայր Բաբայանը, երեկ՝ նոյեմբերի 30-ին, ոստիկանության տնտեսական և կոռուպցիոն հանցագործությունների դեմ պայքարի վարչության պետ Իգոր Օհանյանի և վարչության մի խումբ ծառայողների ուղեկցությամբ, այցելել է Մարտունու շրջանի Նոր շեն համայնք, ծաղիկներ խոնարհել, խնկարկել և հարգանքի տուրք մատուցել արցախյան 3-րդ պատերազմում անմահահացած ոստիկանության լեյտենանտ Հրայր Դանիելյանի հիշատակին:
Համակարգի ևս 8 ծառայողի հետ Հրայրն անմահացավ հոկտեմբերի 15-ին Հադրութի շրջանի «Թութակ» տեղամասում:
Նորայր Բաբայանն իր և համակարգի բոլոր ծառայողների անունից զորակցություն է հայտնել Հրայրի հարազատներին, նշել, որ համազգային այս ցավին դիմակայելու համար՝ երկնքից մեզ ուժ են տալիս տղերքը: Նրանք սխրագործության ու նվիրումի խորհրդանիշներ են և այսուհետ էլ կմնան հավերժ ներկա: