28.02.2022 16:06
Հարգանքի տուրք՝ սումգայիթյան ջարդերի անմեղ զոհերի հիշատակին
Այսօր՝ փետրվարի 28-ին, Արցախի Հանրապետության նախագահ Արայիկ Հարությունյանը բարձրաստիճան պետական այրերի և մի խումբ քաղաքացիների ուղեկցությամբ այցելել է Ստեփանակերտի քաղաքային հուշահամալիր հարգանքի տուք մատուցել և ծաղիկներ խոնարհել սումգայիթյան ջարդերի անմեղ զոհերի հիշատակը հավերժացնող հուշակոթողին:
Հուշահամալիր է այցելել ՆԳ նախարար Կարեն Սարգսյանը:
1988 թվականի փետրվարին ադրբեջանական Սումգայիթ, Բաքու, Կիրովաբադ քաղաքներում ազգային պատկանելության համար սպանդի ենթարկվեցին մեր հայրենակիցները: Ամեն ինչ սկսվեց Արցախում ծայր առած ղարաբաղյան շարժումից: Ադրբեջանական ջարդարար քաղաքականությունը համահայկական զարթոնքի՝ Արցախի ազատագրական շարժմանը՝ Խորհրդային Ադրբեջանի քաղաքներում ապրող հայ ժողովրդին պատասխանեց զանգվածային սպանություններով ու վայրագություններով:
34 տարի անց՝ քաղաքակիրթ աշխարհի հանցավոր լռության և անտարբերության պատճառով ոճրագործությունը մնում է միջազգայնորեն չդատապարտված: