Հարուցվել է քրեական գործ. Հայտնաբերվել ու վերցվել է թմրամիջոց հանդիսացող զանգվածներ

Հարուցվել է քրեական գործ և ընդունվել վարույթ 

ԱՀ ոստիկանության ՔՀ վարչությունը քննարկելով ՝քննարկելով Ա.Ծ.-ի կողմից թմրամիջոցներ ապօրինի փոխադրելու վերաբերյալ նախապատրաստված նյութերը, պարզել է, որ Ստեփանակերտ քաղաքի բնակիչ՝ Յ.Գ.-ն խախտելով <<Թմրամիջոցների և հոգեմետ նյութերի մասին>> ԱՀ օրենքի 9-րդ հոդվածի 2-րդ մասով և նուն օրենքի 11-րդ հոդվածի 2-րդ մասով սահմանված պահանջները՝ առանց լիցենզիա ստանալու և բժշկի նշանակման, առանց իրացնելու նպատակի, առանձնապես խոշոր չափերով թմրամիջոցներ ապօրինի ձեռք բերելու նպատակով 2022 թվականի մարտի 27-ին սոցիալական կայքերով անհայտ անձի հետ ձեռք բերված պայմանավորվածության համաձայն՝ առցանց եղանակով համապատասխան վճարում կատարելով, այնուհետև ներկայանալով ՀՀ Երևան - Էջմիածին ավտոճանապարի նախորոք նշանակված հատված, այնտեղից ձեռք է բերել ենթադրյաբար թմրամիջոց հանդիսացող զանգվածներ, դրանք փոխադրել և թաքցրել ՀՀ Սյունիքի մարզի Տեղ համայնքի մոտակայքով անցնող ճանապարհի աջ հատվածում առկա ծառի կողքին, որից հետո վերադառնալով ք.Ստեփանակերտ՝ 2022թ. մարտի 28-ին նույն քաղաքի 7-րդ դպրոցի մոտակայքում հանդիպելով իր ընկեր Ա. Ծ.-ին խնդրել է ներկայանալ վերը նշված վայր, այնտեղից վերցնել նշված ենթադրաբար թմրամիջոց հանդիսացող զանգվածները և փոխադրել քաղաք Ստեփանակերտ իրեն փոխանցելու համար, խոստանալով նրան տրամադրել որոշակի քանակությամբ թմրամիջոց, որից հետո Ա. Ծ.-ն, Ստեփանակեերտ քաղաքի բնակիչներ՝ Ա. Հ.-ի և Ա. Բ.-ի հետ, վերջինիս պատկանող <<Opel>> մակնիշի ավտոմեքենայով, ներկայանալով նշված վայր՝ վերցրել է դրանք, սակայն Ստեփանակերտ քաղաք փոխադրելիս նույն քաղաքի <<Զառին բաղ>> կոչվող տեղանքում առկա ԱՀ ոստիկանության հսկիչ անցագրային կետից բերման է ենթարկվել ԱՀ ոստիկանության քրեական հետախուզության վարչության ծառայողների կողմից, որի կապակցությամբ նշված մեքենայում կատարված զննությամբ հայտնաբերվել ու վերցվել են թվով 77 փաթեթում փաթեթավորված 141,8 գրամ ենթադրաբար «Մարիխուանա» տեսակի և 25,37 գրամ «Հաշիշ» տեսակի, իսկ Ա..Ծ.-ի անձնական խուզարկությամբ՝ 0.44 գրամ ենթադրաբար «Մարիխուանա» տեսակի թմրամիջոց հանդիսացող զանգվածները: 

Նկատի ունենալով, որ սույն նյութերով առկա է քրեական գործ հարուցելու օրինական առիթը՝ հետաքննության մարմնի կողմից հանցագործության մասին տվյալների և նյութական հետքերի հայտնաբերման տեսքով, բավարար է քրեական գործ հարուցելու հիմքը՝ նկարագրված արարքները առերևույթ պարունակում են ԱՀ քրեական օրենսգրքի 279-րդ հոդվածի 3-րդ մասով, ԱՀ քրեական օրենսգրքի 37-րդ հոդվածի 3-րդ մասով, 279-րդ հոդվածի 3-րդ մասով և 33-րդ հոդվածով, ԱՀ քրեական օրենսգրքի 279-րդ հոդվածի 3-րդ մասով նախատեսված հանցագործությունների հատկանիշներ, ուստի վերը նկարագրված արարքների կապակցությամբ անհրաժեշտ է հարուցել քրեական գործ և իրականացնել հետաքննություն: 

Ելնելով վերոգրյալից և ղեկավարվելով ԱՀ քրեական դատավարության օրենսգրքի 52, 186-187, 192-193 և 198 հոդվածներով՝ նկարագրված ենթադրյալ հանցավոր արարքների կապակցությամբ՝ ԱՀ քրեական օրենսգրքի 279-րդ հոդվածի 3-րդ մասով, ԱՀ քրեական օրենսգրքի 37-րդ հոդվածի 3-րդ մասով, 279-րդ հոդվածի 3-րդ մասով և ԱՀ քրեական օրենսգրքի 33-րդ հոդվածով, 279-րդ հոդվածի 3-րդ մասով նախատեսված հանցագործությունների հատկանիշներով, հարուցվել է քրեական գործ, այն ընդունել վարույթ: Կատարվում է հետաքննություն: