ԿԱՅՔԻ ՔԱՐՏԵԶ
ԹԵԺ ԳԻԾ
31.03.2022 14:59
Հարուցվել է քրեական գործ. Պատճառված վնասը կազմում է 138.000 ՀՀ դրամ
Հարուցվել է քրեական գործ և ընդունվել վարույթ
ԱՀ ոստիկանության Ստեփանակերտ քաղաքի վարչությունում վերանայելով Ա.Ա.-ի կողմից Ստեփանակերտ քաղաքի Բեկզադյան փողոցում տեղակայված գերեզմանատեղերը պղծելու, ապամոնտաժելու և ջարդելու դեպքի վերաբերյալ նախապատրաստված նյութերը, պարզվել է, որ 2022թ. փետրվարի 24-ին, ժամը 14:00-ի սահմաններում Ա. Ա.-ն ներկայացել է Ստեփանակերտ քաղաքի Բեկզադյան փողոցում տեղակայված քաղաքային գերեզմանատունը, և նախապես իր հետ բերված սուր ծայրով մետաղյա ձողն օգտագործելով, դիտավորությամբ տեղահանել է և գետնին գցել գերեզմանատան հիմնական մուտքի դարպասներից 15 մետր դեպի ձախ կողմում գտնվող պատի սալիկներից մեկը, հինգ գերեզմանահարթակներում կոտրել է թվով 12 սալիկներ՝ անհնար դարձնելով դրանց հետագա նպատակային օգտագործումը, երեք գերեզմանահարթակներում տեղահանել և վնասել է ընդհանուր թվով 15 սալիկներ՝ խախտելով դրանց ամբողջականությունը, երկու գերեզմանատեղերի պատերի վրա ածուխով «УЗБЕКИ ЗВЕРИ» ռուսերեն գրառումը կատարելով՝ պղծել է դրանք, ինչպես նաև չորս գերեզմանահարթակներում տեղահանել է թվով 6 սալիկներ և մեկի մուտքի կողային հարթակների օվալաձև քարե 2 գնդիկները՝ պատճառելով ընդհանուր՝ 138.000 ՀՀ դրամ գումարի գույքային վնաս:
Նկատի ունենալով, որ նկարագրված դեպքն իր մեջ առերևույթ պարունակում է ԱՀ քրեական օրենսգրքի 276-րդ հոդվածի 1-ին մասով նախատեսված հանցագործության հատկանիշներ, ուստի ղեկավարվելով ԱՀ քրեական դատավարության օրենսգրքի 52-րդ, 186-187-րդ, 191-րդ, 191-193-րդ և 198-րդ հոդվածներով, որշվել է դեպքի առթիվ ԱՀ քրեական օրենսգրքի 276-րդ հոդվածի 1-ին մասով հարուցել քրեական գործ, այն ընդունել վարույթ և իրականացնել հետաքննություն:
