ԿԱՅՔԻ ՔԱՐՏԵԶ
ԹԵԺ ԳԻԾ
31.05.2022 10:37
Հարուցվել է քրեական գործ և ընդունվել վարույթ
2021 թվականի ապրիլ ամսից մինչև 2022 թվականի մարտ ամիսն ընկած ժամանակահատվածում՝ Արցախի Հանրապետության Հադրութ համայնքի ղեկավար Վ. Ս.-ն, հանդիսանալով իշխանության ներկայացուցչի գործառույթներ իրականացնելու լիազորությամբ օժտված պաշտոնատար անձ, իսկ ԱՀ կառավարության թիվ 336-Ա առ 19.04.2021թ. և 579-Ն առ 03.06.2021թ. որոշումներով հաստատված, 2020 թվականի սեպտեմբերի 27-ին Արցախի Հանրապետության դեմ սանձազերծված պատերազմական գործողությունների հետևանքով նյութական վնաս կրած ֆիզիկական և իրավաբանական անձանց պետական ֆինանսական աջակցության միջոցառման շրջանակներում օժտված լինելով համայնքի վարչական սահմաններում գտնվող գույքի կորստի վերաբերյալ տեղեկություններ տալու լիազորությամբ, Ստեփանակերտ քաղաքում, պաշտոնեական դիրքն օգտագործելով, ֆինանսական աջակցություն տրամադրելու կարեկցանքով պայմանավորված անձնական շահագրգռվածությունից ելնելով, գործելով մեկ միասնական դիտավորությամբ, կազմել է իրավաբանական հետևանքներ առաջացնող՝ պաշտոնական փաստաթուղթ համարվող և ֆինանսական աջակցություն ստանալու հիմք հանդիսացող համայնքի շահառուների սկզբնական ցուցակ, որտեղ տարբեր շահառուների անվան դիմաց ներառել է նախքան պատերազմական գործողությունները սկսվելը համայնքում փաստացի չհաշվառված թվով 77 հատ խոշոր եղջերավոր անասունների, 475 հատ մանր եղջերավոր անասունների, 1068 հատ խոզերի և 692 հատ մեղվաընտանիքների վերաբերյալ տեղեկություններ, որից հետո ի լրումն նշված կեղծ ցուցակի, իր թիվ 2 առ 17.03.2022թ. որոշմամբ ստեղծված հանձնաժողովի միջոցով ակնհայտ կեղծ տեղեկություններ մտցնելու եղանակով կազմել է մեկ այլ նույն չափանիշներին համապատասխանող և պաշտոնական փաստաթուղթ հանդիսացող վերջնական ցուցակ, որտեղ տարբեր շահառուների անվան դիմաց ներառել է նախքան պատերազմական գործողությունները սկսվելը համայնքում փաստացի չհաշվառված թվով 121 հատ խոշոր եղջերավոր անասունների, 629 հատ մանր եղջերավոր անասունների, 1459 հատ խոզերի և 891 հատ մեղվաընտանիքների վերաբերյալ կեղծ տվյալներ և ֆինանսավորման համար ներկայացրել համապատասխան մարմիններ, սակայն իրավապահ մարմինների կողմից հանցանքը հայտնաբերելու արդյունքում այն ավարտին չի հասցվել համայնքի ղեկավարի կամքից անկախ հանգամանքներում:
Նկատի ունենալով, որ սույն նյութերում առերևույթ առկա են ԱՀ քրեական օրենսգրքի 33/322-րդ հոդվածի 1-ին մասով, 332-րդ հոդվածով և 332-րդ հոդվածով նախատեսված հանցագործությունների հատկանիշներ, ուստի ղեկավարվելով ԱՀ քրեական դատավարության օրենսգրքի 52-րդ, 186-187-րդ, 191-193-րդ և 198-րդ հոդվածներով, որոշվել է
1.Սույն դեպքերի առթիվ ԱՀ քրեական օրեսնգրքի 33/322-րդ հոդվածի 1-ին մասով, 332-րդ հոդվածով և 332-րդ հոդվածով նախատեսված հանցագործությունների հատկանիշներով հարուցել քրեական գործ, այն ընդունել վարույթ և իրականացնել հետաքննություն։