13.05.2023 11:48
Հափշտակություն, որը կատարվել է համակարգչային տեխնիկայի օգտագործմամբ. Հափշտակվել է 200 000 ՀՀ դրամ
Մայիսի 12-ին ՆԳՆ ոստիկանության տնտեսական և կոռուպցիոն հանցագործությունների դեմ պայքարի վարչություն է ստացվել Ստեփանակերտ քաղաքի 38-ամյա բնակիչ Ա. Ս.-ի դիմումն այն մասին, որ հայկական բանկերից մեկում բացված իր աշխատավարձի ստացման քարտից, մայիսի 10-ին առանց իր իմացության, 200. 000 ՀՀ դրամ գումար է փոխանցվել «Totogaming» բուքմեյքերական ընկերության անհայտ խաղային հաշվին։
Արդյունքում իրեն պատճառվել է զգալիչափերի հասնող գույքային վնաս:
Ստուգմամբ զբաղվում է ոստիկանության տնտեսական և կոռուպցիոն հանցագործությունների դեմ պայքարի վարչությունը։
ՆԳ նախարարության ոստիկանությունը զգուշացնում է, որ վերջին շրջանում կտրուկ աճել է համակարգչային տեխնիկայի միջամտությամբ կատարվող հանցագործությունները։
Կարևոր է օնլայն հարթակում հասանելիություն չտալ բանկային քարտի տվյալներին, էլ․փոստին, ինչպես նաև երբեք չտրամադրել հեռախոսահամարին եկած ստուգիչ կոդը։
Ցանկացած կասկածի դեպքում անմիջապես դիմեք ոստիկանություն։
ՏԿՀԴՊ վարչության հետադարձ կապը`
(047) 94-21-16։