01.05.2022 13:48
Հերոս ոստիկանը կդառնար 25 տարեկան
Մայիսի 1-ը ոստիկանության երջանկահիշատակ ծառայող, ավագ սերժանտ Շիրակ Համբարձումյանի ծննդյան օրն է:
Ոստիկանության համակարգի մի խումբ ծառայողներ՝ոստիկանության Ստեփանակերտ քաղաքի վարչության պետ Բորիս Ջալավյանի գլխավորությամբ, այսօր այցելել են Մարտունու շրջանի Հերհեր համայնք և հարգանքի տուրք մատուցել հերոսի հիշատակին, զորակցություն հայտնել Համբարձումյանների ընտանիքին, մտերիմներին ու հարազատներին:
Շիրակ Միշայի Համբարձումյան Ծնվել է 1997թ.մայիսի 1-ին Մարտունու շրջանի Հեր-հեր գյուղում։ 2016-2018թ.ծառայել է ԶՈւ շարքերում։ 2018թ.նոյեմբերի 20-ից ծառայության է անցել ԱՀ ոստիկանության Ստեփանակերտ քաղաքի վարչության պարեկապահակետային ծառայությունում,որպես ոստիկան։
2020 թվականի սեպտեմբերի 27-ից՝ ոստիկանության համահավաք գումարտակի անձնակազմի հետ մասնակցել է հայրենիքի պաշտպանության համար մղված մարտերին:
Զոհվել է 2020թ.հոկտեմբերի 15-ին՝ Հադրութի շրջանի «Թութակ» տեղամասում։
ԱՀ Նախագահի հրամանագրով հետմահու պարգևատրվել է «Արիություն» մեդալով:
Հանգչում է հայրենի գյուղի գերեզմանատանը: