ԿԱՅՔԻ ՔԱՐՏԵԶ
ԹԵԺ ԳԻԾ
06.07.2022 11:47
Հիշենք և մեծարենք. Այսօր ոստիկանության ծառայող, հայրենիքի նվիրյալ Իգոր Պողոսյանի ծննդյան օրն է
Այսօր արցախյան երրորդ պատերազմի ընթացքում անմահացած, ոստիկանության ծառայող Իգոր Էդուարդի Պողոսյանի ծննդյան օրն է:
Իգոր Պողոսյանը ծնվել է 1997 թվականի հուլիսի 6-ին՝ Ասկերանի շրջանի Այգեստան համայնքում: 2015 թվականին ավարտել է Հայաստանի ազգային ագրարային համալսարանի միջին մասնագիտական կրթական ծրագրերի կենտրոնը՝ ֆինանսներ մասնագիտությամբ:
2018 - 2020 թթ. ծառայել է ԱՀ ՊԲ շարքերում:
2020 թվականի սեպտեմբերի 14-ին ծառայության է ընդունվել ԱՀ ոստիկանության պետական պահպանության վարչությունում՝ որպես ոստիկան:
2020 թվականի սեպտեմբերի 27-ից՝ ոստիկանության համահավաք գումարտակի անձնակազմի հետ միասին մասնակցել է հայրենիքի փրկության մարտերին:
Զոհվել է 2020 թվականի հոկտեմբերի 16-ին՝ Հադրութի շրջանի «Թութակ» տեղամասում:
Հանգչում է հայրենի գյուղի ընտանեկան գերեզմանատանը: