18.10.2022 10:41
Հիշենք և մեծարենք. Հոկտեմբերի 16-ը Արցախի Հանրապետության ՆԳ նախարարության ոստիկանության 4 ծառայողների հիշատակի օրն է
Հոկտեմբերի 16-ը Արցախի Հանրապետության ՆԳ նախարարության ոստիկանության 4 ծառայողների՝ ոստիկանության ավագ սերժանտներ` Շիրակ Համբարձումյանի, Գարիկ Դոլուխանյանի, Արեն Ասրյանի և սերժանտ` Իգոր Պողոսյանի հիշատակի օրն է:
Նրանք անմահացել են 2020 թվականին Հադրութի շրջանի ազատագրման համար ընթացող թեժ մարտերի ժամանակ, ադրբեջանական զինուժի կողմից կիրառված անօդաչու թռչող սարքի հարվածից՝ «Թութակ» կոչվող տեղամասում:
ՆԳնախարարության և ոստիկանության ղեկավար կազմը՝ համակարգի մի խումբ ծառայողների ուղեկցությամբ, այսօր հարգանքի տուրք են մատուցել, ծաղիկներ խոնարհել ու խնկարկել ռազմական գործողությունների ընթացքում անմահացած ոստիկանների շիրիմներին:
Վերջիններս հետմահու պարգևատրվել են պետական ու գերատեսչական մեդալներով ու շքանշաններով, իսկ Արցախի Հանրապետության նախագահի հրամանագրով՝ «Արիություն» մեդալով:
Խունկ և օրհնություն մեր հերոս եղբայրների անմահ հիշատակին: