12.08.2021 18:52
ՀՀ ոստիկանության կրթահամալիրի ակադեմիայի իրավագիտության ֆակուլտետի 3 շրջանավարտ նշանակվել է պաշտոնի
ԱՀ ներքին գործերի նախարար Կարեն Սարգսյանի հրամանով՝ ՀՀ ոստիկանության կրթահամալիրի ակադեմիայի իրավագիտության ֆակուլտետի բակալավրիատի առկա ուսուցման 3 շրջանավարտ նշանակվել է պաշտոնի:
Շրջանավարտներին այսօր ընդունել է նախարարը:
ՀՀ ոստիկանության կրթահամալիրի ակադեմիայի շրջանավարտ ոստիկանության ավագ սերժանտ Էթերի Թովմասյանը նշանակվել է ոստիկանության շտաբի պլանավորման, վերլուծության և տեսչական ստուգումների բաժնի՝ տեսչական ստուգումների գծով տեսուչի պաշտոնին:
Նրան շնորհվել է ոստիկանության լեյտենանտի կոչում:
Ավագ սերժանտ Անուշ Աղաջանյանը ՆԳ նախարարի հրամանով նշանակվել է ԱՀ ոստիկանության Ստեփանակերտ քաղաքի վարչության անչափահասների գործերով բաժնի տեսուչի պաշտոնին՝ ոստիկանության լեյտենանտի կոչումով:
Ավագ սերժանտ Վարսիկ Հարությունյանը նշանակվել է ԱՀ ոստիկանության ճանապարհային ոստիկանության հետաքննության գծով տեսուչի պաշտոնին: Նրան ևս շնորհվել է ոստիկանության լեյտենանտի կոչում:
Կարեն Սարգսյանը նախ շնորհավորել և բարի ծառայություն է մաղթել համակարգի նոր ծառայողներին, նշել, որ կոչումները որքան ուրախացնող, նույնքան էլ պետք է պարտավորեցնող լինեն: Ձեզնից ակնկալում եմ միայն վճռականություն և հաջողություն եմ մաղթում երկրի համար կարևոր աշխատանքում:
Շրջանավարտների հետ հանդիպմանը մասնակցել են ոստիկանության պետ Արտյոմ Հարությունյանը և նախարարի խորհրդական Հարութ Ավագյանը: