07.01.2022 00:18
Ճանապարհատրանսպորտային պատահար Ստեփանակերտ քաղաքում։ Կա մեկ տուժած։
Հունվարի 6-ին ժամը 19:40-ին ԱՀ ՆԳ նախարարության ոստիկանության հերթապահ մասում Ստեփանակերտ քաղաքի բնակիչ Ա.Ա.-ի կողմից հաղորդում է ստացվել, որ իրեն պատկանող «ՎԱԶ-21102» ավտոմեքենայով Թումանյան փողոցի թիվ 115 շենքի դիմացի ճանապարհահատվածում վրաերթի է ենթարկել մի կնոջ, ում շտապ բուժօգնության մեքենայով տեղափոխել են Հանրապետական բժշկական կենտրոն։
Դեպքի վայր մեկնած հետաքննիչ` Վ. Համբարձումյանը պարզել է, որ նույն օրը ժամը 19:40-ի սահմաններում Ա.Ա.-ն (ծնված 1995թ.) վարելով նշված ավտոմեքենան, Թումանյան փողոցի թիվ 115 շենքի դիմացի ճանապարհահատվածում վրաերթի է ենթարկել Ստեփանակերտ քաղաքի բնակչուհի Շ. Գ.-ին (ծնված 1962թ.), ինչի հետևանքով վերջինս ստացել է դիմային գանգի, պարանոցային, ողերի և ոտքի կոտրվածքներ:
Ստուգմամբ զբաղվում է ոստիկանության Ստեփանակերտ քաղաքի վարչությունը։