03.02.2023 11:08
Ճանապարհատրանսպորտային պատահար Ստեփանակերտում. Քաղաքացին սալջարդ վնասվածքներով դիմել է հանրապետական բժշկական կենտրոն
Փետրվարի 1-ին ժամը 19:00-ին «Հանրապետական բժշկական կենտրոն» ՓԲԸ-ից ոստիկանության հերթապահ մասում հաղորդում է ստացվել, որ աջ սրունքի թաթային հոդի փափուկ հյուսվածքների սալջարդ վնասվածքներով իրենց մոտ է ընդունվել Ստեփանակերտ քաղաքի 24-ամյա բնակիչ Մ.Ա.-ն:
Դեպքի վայր մեկնած հետաքննիչները պարզել են, որ նույն օրը ժամը 14:00-ի սահմաններում, Ստեփանակերտ քաղաքի Թումանյան և Գրիգոր Լուսավորիչ փողոցների հատման խաչմերուկում իրար են բախվել Մ.Ա.-ի վարած «Nissan Skyline» և 41-ամյա Մ. Օ.-ի վարած «Opel astra» մակնիշի ավտոմեքենաները:
Պատահարի հետևանքով Մ.Ա.-ն ստացած սալջարդ վնասվածքներով դիմել է հանրապետական բժշկական կենտրոն:
Նշված անձանց տրվել են դատաբժշկի ուղեգրեր:
Ստուգմամբ զբաղվում է ոստիկանության Ստեփանակերտ քաղաքի վարչությունը:
Ճանապարհային ոստիկանությունը հորդորում է բոլոր վարորդներին.
Խստագույնս պահպանել երթևեկության անվտանգության կարևորագույն պահանջները. Պայքարի լավագույն միջոցը մշտական ինքնահսկումն է: Դա բխում է բոլորիս շահերից: