22.10.2022 03:29
ՃՏՊ Ստեփանակերտ քաղաքում
Հոկտեմբերի 21-ին ժամը 16։20-ին, ՆԳ նախարարության Ոստիկանության ՃՈ օպերատիվ կառավարման կենտրոնում, միաժամանակ ԱԻ պետական ծառայության ահազանգման կենտրոնում տեղեկություն է ստացվել Ստեփանակերտ քաղաքի Գ.Նժդեհ փողոցում տեղի ունեցած ճանապարհատրանսպորտային պատահարի մասին։
Անմիջապես դեպքի վայր են մեկնել Ոստիկանության, ԱԻՊԾ և Շտապ բժշկական օգնության կայանի օպերատիվ հերթապահ խմբերը։
Պարզվել է, որ Ստեփանակերտ քաղաքի բնակիչներ 35-ամյա Ա.Ս.-ն և 31-ամյա Գ.Կ.-ն իրենց վարած 《Priora》և 《Opel Combo》մակնիշի ավտոմեքենաներով նշված փողոցի 130 հասցեի դիմացի ճանապարհահատվածում բախվել են իրար։
ՃՏՊ հետևանքով Գ.Կ.-ն ստացած մարմնական վնասվածքով շտապ բժշկական օգնության ավտոմեքենայով տեղափոխվել է հանրապետական բժշկական կենտրոն, որտեղ համապատասխան բուժօգնություն ստանալուց հետո դուրս է գրվել։
Հետագա վտանգները կանխելու համար ՆԳՆ ծառայողները հոսանքազրկել են ավտոմեքենաները, փակել գազի բալոնների փականները և սահմանազատել վթարի տարածքը։
Դեպքի առթիվ ստուգումներ է իրականացնում ոստիկանության Ստեփանակերտ քաղաքի վարչությունը։