ԿԱՅՔԻ ՔԱՐՏԵԶ
ԹԵԺ ԳԻԾ
20.03.2022 19:03
Մարտի 19-ին և 20-ին Հանրապետության տարածքում գրանցվել է 6 ՃՏ պատահար
Ձնառատ եղանակի հետ մեկտեղ ավելացել է ճանապարհատրանսպորտային պատահարների ռիսկայնությունը:
Մարտի 19-ին և 20-ին Հանրապետության տարածքում գրանցվել է ՃՏ 6 պատահար, որից 4-ը երեկ՝ մարտի 19-ին:
Ճանապարհատրանսպորտային պատահարներից 1-ը գրանցվել է Ստեփանակերտ-Մարտունի-Ննգի միջշրջանային ճանապարհահատվածի 18-րդ կմ-ին, մեկը՝ Մարտունի-Ննգի հատվածում: Մեկ դեպք գրանցվել է Մարտակերտում, ևս մեկը Ստեփանակերտ քաղաքի Ա.Մկրտչյան փողոցում:
Ճանապարհատրանսպորտային 2 պատահար գրանցվել է այսօր՝ մարտի 20-ին, Ստեփանակերտի Պ.Սևակ և Տ.Մեծ փողոցներում:
Արձանագրված դեպքերից բարեբախտաբար ոչ ոք չի տուժել: Բոլորը դեպքերը տեղի են ունեցել նյութական վնասի ելքով:
Ճանապարհային ոստիկանությունը հորդորում է՝
Հաշվի առնելով եղանակային պայմանները՝ երթևեկը կազմակերպել խիստ անհրաժեշտության դեպքում՝ պահպանելով անվտանգության կանոնները:
Լուսանկարը՝ Դավիթ Ղահրամանյանի