Պաշտոնական Հայտարարություն Ուշադրություն Համակարգ Պարզաբանում Ի գիտություն լրագրողների
Արցախի Հանրապետության Սահմանադրություն Օրենսգրքեր Օրենքներ ԱՀ Նախագահի հրամանագրեր, կարգադրություններ ԱՀ կառավարության որոշումներ ԱՀ ոստիկանության պետի հրամաններ Նախագծեր Հանրային քննարկումներ
Ցուցակ 1 Ցուցակ 2
Եռամսյակ Կիսամյակ Ինն ամիսներ Տարի
Սպանություն Սպանության փորձ Հետախուզվողի հայտնաբերում Մարմնական վնասվածք մահվան ելքով Մարմնական վնասվածք Անձի առևանգում Դիակի հայտնաբերում Ինքնասպանություն կամ ինքնասպանության փորձ Ավազակային հարձակում Կողոպուտ Գողություն Խարդախություն Յուրացում կամ վատնում ԱՄՏ-ի փախցնել Գույքը դիտավորությամբ ոչնչացնելը Դրամանենգություն Խուլիգանություն Կավատություն Թմրամիջոցի հայտնաբերում Ապօրինի ծառահատում Որսագողություն Կաշառակերություն Բռնություն իշխանության ներկայացուցչի նկատմամբ Այլ հանցագործություններ Հայտարարվել է հետախուզում Զենք-զինամթերքի կամավոր հանձնում Զենք-զինամթերքի հայտնաբերում Պայթյուն և վթար Հրդեհ Թունավորում Անհայտ կորած
Հետախուզվում են Անհայտ կորած
ՃՏ պատահարներ Օրենքներ, որոշումներ Հայտարարություններ և ծանուցումներ Վարորդական տեսական քննությունների հարցաշարեր

ԿԱՅՔԻ ՔԱՐՏԵԶ

ԹԵԺ ԳԻԾ

Լրահոս 29.03.2024 Արխիվ

26.01.2022 10:41

Մեկ տարի առաջ այս օրը կազմավորվեց ԱՀ Ներքին Գործերի Նախարարությունը

Մեկ տարի առաջ այս օրը կազմավորվեց ԱՀ Ներքին Գործերի Նախարարությունը
Հարգելի հայրենակիցներ․
 
Մեկ տարի առաջ՝ հունվարի 26-ին, ԱՀ Նախագահ Արայիկ Հարությունյանի հրամանագրով Արցախում ստեղծվեց Ներքին գործերի նախարարություն, որի ղեկավարումը վերապահվեց ինձ, իսկ նախարարության կառուցվածքում միավորվեցին ԱՀ ոստիկանությունը և արտակարգ իրավիճակների պետական ծառայությունը:
 
ՆԳ նախարարությունը կազմավորվեց Արցախի համար վճռորոշ ժամանակաշրջանում, երբ պատերազմից հետո օրակարգում անվտանգության ապահովման հարցն էր: Մի՛ կողմից անհրաժեշտ էր պատերազմի հետևանքները վերացնել հավանական սպառնալիքներից, մյուս կողմից՝ փրկարար-որոնողական աշխատանքների իրականացումն Արցախի գրավյալ տարածքներում, դրան զուգահեռ՝ կյանքը հունի մեջ գցելու առաջադրանք կար:
 
Մեկ տարվա ընթացքում կատարված համատեղ թիմային աշխատանքը մեզ վերստին ոտքի կանգնեցրեց և շնորհիվ գերատեսչության ծառայողների՝ առաջ նայելու հնարավորություն ընձեռեց:
 
Գիտակցելով, որ հետպատերազմյան իրավիճակում Արցախի և մեր հայրենակիցների անվտանգության պատշաճ ապահովումը նաև ներքին գործերի նախարարության պատասխանատվության ներքո է, ոստիկանության և ԱԻՊԾ ծառայողներն արեցին անգամ անհնարինը: Սա մի առաքելություն էր, որը կատարեցինք պատվով ու կշարունակենք ծառայել արժանապատվությամբ:
 
Ի՞նչ ենք հասցրել անել անցած մեկ տարվա ընթացքում: Նախ, 2021 թվականի հունվարի 26-ին, ԱՀ Նախագահի հրամանագրով ոստիկանության և ԱԻՊԾ ղեկավար պաշտոններում նշանակվեցին մարդիկ, ովքեր աշխատանքային փորձով և մարդկային արժանիքներով ոչ միայն պահպանեցին ծառայությունների ավանդույթները, այլև աշխատանքը դարձրին ավելի արդյունավետ:
 
Երկրում բացառեցինք հակաօրինական ցանկացած երևույթ և առաջնորդվեցինք այն պարզ կարգախոսով, որ օրենքն Արցախում հավասար է բոլորի համար, և որ քաղաքացին փաստացի բարձրագույն արժեք է, իսկ նրա իրավունքների պաշտպանությունն՝ իշխանության առջև դրված առաջնային խնդիր:
 
Ինձ համար սկզբունքային է նաև թիմային մտածողությունը, հասարակության հանդեպ սրտացավությունը և հայրենիքին անվերապահ նվիրումը: Մեր կարևորագույն գերնպատակներից մեկն է, որ ժողովրդավարական հասարակություն և ժողովրդավարական երկիր կերտելու գործում ունենանք մեր մեծ ներդրումը։
 
ՆԳ նախարարության ռազմավարության հիմնական նպատակներից մեկը նաև հասարակությանը ոստիկանի և փրկարարի նոր կերպար ներկայացնելն է։ Այս համատեքստում, բազմաթիվ բարեփոխումներ ենք իրականացրել, որոնք միտված են բարձրացնելու ՆԳ նախարարության բոլոր ստորաբաժանումների գործունեության արդյունավետությունը:
 
Թե որքան՞ով հաջողեցինք և կամ որտե՞ղ թերացանք, կարծում եմ Ձեր գնահատականն ավելի կարևոր է:
 
Հարգանքով՝ ԱՀ ՆԳ նախարար ԿԱՐԵՆ ՍԱՐԳՍՅԱՆ