23.09.2021 14:20
Մեկ օրում 2 վրաերթ
Սեպտեմբերի 22-ին ոստիկանության հերթապահ մասում «Հանրապետական բժշկական կենտրոն» ՓԲԸ-ից հաղորդում է ստացվել, որ նույն օրը ժամը 17:55-ին սալջարդներով իրենց մոտ է ընդունվել Ստեփանակերտ քաղաքի 24-ամյա բնակիչ Գ. Գ.-ն:
Մեկնած հետաքննիչը պարզել է, որ նույն օրը ժամը 17:40-ի սահմաններում, Ստեփանակերտ քաղաքի 36-ամյա բնակիչ Վ. Հ.-ն վարելով «OPEL ASTRA» ավտոմեքենան, Ազատամարտիկների փողոցի թիվ 52 շենքի դիմացի ճանապարհահատվածում վրաերթի է ենթարկել Գ. Գ.-ին, ինչի հետևանքով վերջինս ստացած մարմնական վնասվածքներով տեղափոխվել է «Հանրապետական բժշկական կենտրոն» :
Նրա առողջական վիճակը բավարար է: Ստուգմամբ զբաղվում է ոստիկանության Ստեփանակերտ քաղաքի վարչությունը:
***
Նույն օրը վրաերթի մեկ այլ դեպք գրանցվել է Ասկերանի շրջանի Շոշ գյուղի վարչական տարածքում:
Ժամը 20:15-ի սահմաններում, Շոշ համայնքի բնակիչ Է. Ա.-ն վարելով «Միցուբիշի պաջերո» ավտոմեքենան, Ստեփանակերտ- Սարուշեն ավտոճանապարհի 7-րդ կիլոմետրին վրաերթի է ենթարկել նույն գյուղի բնակիչ Հ.Մ.-ին (ծնված 1967թ.), ինչի հետևանքով վերջինս ստացած մարմնական վնասվածքներով տեղափոխվել է «Հանրապետական բժշկական կենտրոն»:
Ստուգմամբ զբաղվում է ոստիկանության Ասկերանի շրջանային բաժինը:
Ճանապարհային ոստիկանությունը երթևեկության բոլոր մասնակիցներին ևս մեկ անգամ հորդորում է պահպանել երթևեկության անվտանգության կանոնները:
Մեքենաների միջև պահպանեք տարածություն, ոչ սթափ վիճակում մեքենա մի՛ վարեք, խնայեք Ձեր և Զեզ շրջապատող մարդկանց կյանքն ու առողջությունը:
Ոստիկանությունը միաժամանակ կոչ է անում քաղաքացիներին՝ արտակարգ դեպքերից ու դժբախտ ելքով պատահարներից խուսափելու համար՝ տեղաշարժն ապահովվել միայն հետիոտնային անցումներով: