13.09.2021 16:48
ՆԳ նախարարության ոստիկանությունն ամփոփում է անցած շաբաթը 06.09.2021թ.-12.09.2021թ.
2021 թվականի սեպտեմբերի 6-ից 12-ն ընկած ժամանակահատվածում Ոստիկանության 1-02 Հերթապահ մասում հանցագործությունների վերաբերյալ ստացվել է ընդհանուր 56 հաղորդում, որից 42-ն արդեն բացահայտվել և քննության փուլում է:
Ծառայողների կողմից ձեռնարկվել են բոլոր անհրաժեշտ միջոցառումները՝ հանցավորության դեմ պայքարն առավել արդյունավետ կազմակերպելու և կայուն հասարակական կարգ ու կանոն պահպանելու ուղղությամբ:
Յոթ օրվա ընթացքում բացահայտվել է նախկինում կատարված հանցագործության 2 դեպք:
Մարմնական վնասվածք հասցնելու մասով 7 դեպք է արձանագրվել: Ոստիկանության ծառայողները բացահայտել են բոլոր դեպքերը և նախապատրաստել նյութեր:
Քաղաքացիների առողջության, պետության և հասարակության անվտանգության ապահովման նպատակով Ոստիկանության քրեական հետախուզության վարչության և շրջանային բաժինների ծառայողները թմրամոլության դեմ ուժեղացված պայքար են տանում: Շաբաթվա ընթացքում թմրամիջոցների հայտնաբերման 4 դեպք է գրանցվել, բոլորն էլ՝ բացահայտվել են:
Սեպտեմբերի 6-ից 12-ն ընկած ժամանակահատվածում 1-02 Հերթապահ մասում գրանցվել է խարդախության 10 դեպք, որից 9-ն արդեն բացահայտվել է, անձնական ունեցվածքի գողության 3, հափշտակության և թունավորման մեկական դեպքեր:
Յոթ օրվա ընթացքում հանրապետության տարածքում գրանցվել է ճանապարհատրանսպորտային 17 պատահար, որից 12-ը՝ նյութական վնասով, 5-ը՝ մարմնական: Տուժել է 4 քաղաքցի, նրանց առողջական վիճակը բավարար է: ՃՏՊ դեպքերց՝ բարեբախտաբար մահվան ելքով դեպքեր չեն արձանագրվել:
Համակարգի ստորաբաժանումները հանրապետության տարածքում շարունակում են իրականացնել շուրջօրյա կազամակերպված աշխատանք: Կայուն հասարակական կարգ ու կանոնի և ներքին անվտանգության պատշաճ ապահովումը՝ ՆԳ նախարարության հիմնական առաքելությունն է։