20.09.2021 16:51
ՆԳ նախարարության ոստիկանությունն ամփոփում է անցած շաբաթը 12.09.2021թ.-19.09.2021թ.
2021 թվականի սեպտեմբերի 12-ից 19 ընկած ժամանակահատվածում ոստիկանության կենտրոնական և տարածքային ստորաբաժանումների 1-02 Հերթապահ մասերում ստացվել է ընդհանուր 59 հաղորդում, որից 45-ը հանցագործությունների վերաբերյալ: Դրանցից 39-ն արդեն բացահայտվել և քննության փուլում է:
Յոթ օրվա ընթացքում բացահայտվել է նախկինում կատարված հանցագործության 2 դեպք:
Ծառայողների կողմից ձեռնարկվել են բոլոր անհրաժեշտ միջոցառումները՝ հանցավորության դեմ պայքարն առավել արդյունավետ կազմակերպելու և կայուն հասարակական կարգ ու կանոն պահպանելու ուղղությամբ:
Անցած շաբաթվա ընթացքում գրանցվել է մարմնական վնասվածք հասցնելու 6 դեպք, որից 4-ն արդեն բացահայտվել և քննության փուլում է: Ոստիկանության քրեական հետախուզության վարչության և շրջանային բաժինների ծառայողների կողմից թմրամոլության դեմ ուժեղացված պայքարի արդյունքում հայտնաբերվել է թմրամիջոցների ապօրինի աճեցման և իրացման 6 դեպք:
Նշված ժամանակահատվածում 1-02 Հերթապահ մասում գրանցվել է պաշտոնեական լիազորությունների չարաշահման և պաշտոնեական կեղծիքի մեկական դեպքեր, ապօրինի ծառահատման 2, որսագողության մեկ, գույքի դիտավորությամբ ոչնչացման 2, թունավորման 1, խարդախության 3, բնակարանային գողության և շմոլ գազից թունավորման մեկական դեպքեր:
Յոթ օրվա ընթացքում հանրապետության տարածքում գրանցվել է ճանապարհատրանսպորտային 16 պատահար, որից 1-ը մահվան ելքով, 13-ը՝ նյութական վնասով, 5-ը՝ մարմնական:
Համակարգի ստորաբաժանումները հանրապետության տարածքում շարունակում են իրականացնել շուրջօրյա կազամակերպված աշխատանք: Կայուն հասարակական կարգ ու կանոնի պահպանումը և ներքին անվտանգության պատշաճ ապահովումը՝ ՆԳ նախարարության հիմնական առաքելությունն է։