ԿԱՅՔԻ ՔԱՐՏԵԶ
ԹԵԺ ԳԻԾ
25.10.2021 10:33
ՆԳ նախարարության ոստիկանությունն ամփոփում է անցած շաբաթը 18.10.2021թ.-25.10.2021թ.
2021 թվականի հոկտեմբերի 18-ից 25-ն ընկած ժամանակահատվածում ոստիկանության տարածքային ստորաբաժանումների հերթապահ մասերում նախորդ շաբաթվա համեմատ՝ 4-ով նվազել են իրավախախտումների վերաբերյալ ահազանգերը իսկ 7-ով՝ ճանապարհատրանսպորտային դեպքերը:
Ստացվել է ընդհանուր 42 հաղորդում, որից 29-ը հանցագործությունների վերաբերյալ: Դրանցից 28-ն արդեն բացահայտվել է: Անբացահայտ է մնացել ընդամենը 1 հանցագործություն:
Ըստ ոստիկանության օպերատիվ հաղորդագրությունների ամփոփագրերի` անցած շաբաթվա ընթացքում գրանցվել է մարմնական վնասվածք հասցնելու 3 դեպք: Բոլորը բացահայտվել են:
Ոստիկանության ծառայողների կողմից թմրամոլության դեմ ուժեղացված պայքարի արդյունքում՝ բացահայտվել է թմրամիջոցների ապօրինի աճեցման և իրացման 2 դեպք:
Նշված ժամանակահատվածում արձանագրվել է անձնական ունեցվածքի գողության 3, խարդախության 3, զենք-զինամթերքի կամավոր հանձնման 4, թունավորման 1 դեպք: Հայտարարվել է հետախուզում 1 անձի նկատմամբ:
Հերթապահ մասում ստացված բոլոր ահազանգերի հետքերով անմիջապես դեպքի վայրեր են մեկնել ոստիկանության տարածքային ստորաբաժանումների օպերատիվ խմբերը և օրենքով սահմանված կարգով ընթացքավորել դրանք։
Անցած շաբաթվա ընթացքում բացահայտվել է նախկինում կատարված հանցագործության 2 դեպք:
Անցած շաբաթվա ընթացքում հանրապետության տարածքում գրանցվել է ճանապարհատրանսպորտային 19 պատահար, որից 17-ը՝ նյութական վնասով, 2-ը՝ մարմնական: Բուժհաստատություն է դիմել 2 քաղաքացի:
Յոթ օրվա ընթացքում Արցախի տարածքում առանց վարորդական վկայականի տրանսպորտային միջոց է շահագործել 26 վարորդ: 10 վարորդ եղել է անսթափ վիճակում, 564-ը գերազանցել է սահմանված արագությունը:
Համակարգի բոլոր ստորաբաժանումները հանրապետության տարածքում շարունակում են իրականացնել շուրջօրյա կազամակերպված աշխատանք՝ հանցավորության դեմ պայքարի արդյունավետ կազմակերպման և կայուն հասարակական կարգ ու կանոն պահպանելու ուղղությամբ: