ՆԳ նախարարության ոստիկանությունն ամփոփում է անցած շաբաթը 22.11.2021թ.-28.11.2021թ.

2021 թվականի նոյեմբերի 22-ից 28-ն ընկած ժամանակահատվածում ոստիկանության տարածքային ստորաբաժանումների հերթապահ մասերում իրավախախտումների վերաբերյալ ստացվել է ընդհանուր 48 հաղորդում, որից 46-ն արդեն բացահայտվել է:

Ըստ ոստիկանության օպերատիվ հաղորդագրությունների ամփոփագրերի` անցած շաբաթվա ընթացքում գրանցվել է մարմնական վնասվածք հասցնելու 3 դեպք:

Ոստիկանության ծառայողների կողմից թմրամոլության դեմ ուժեղացված պայքարի արդյունքում՝ բացահայտվել է թմրամիջոցների ապօրինի աճեցման և իրացման 7 դեպք:

Նշված ժամանակահատվածում արձանագրվել է խարդախության 2, շորթման, պաշտոնեական լիազորությունների չարաշահման և անձնական ունեցվածքի գողության մեկական դեպքեր:

Բնակչության հետ տարված բացատրական աշխատանքների արդյունքում՝ նշված ժամանակահատվածում կամովին զինամթերք է հանձնել 2 քաղաքացի:

Հանրապետությունում ավելացել են թունավորման դեպքերը: Ջրատաքացուցիչ կաթսայից կամ ջեռուցման համակարգից արտանետված շմոլ գազի հետևանքով՝ յոթ օրվա ընթցքում գրանցվել է թունավորման 4 դեպք:

Հերթապահ մասում ստացված բոլոր ահազանգերի հետքերով անմիջապես դեպքի վայրեր են մեկնել ոստիկանության տարածքային ստորաբաժանումների օպերատիվ խմբերը և օրենքով սահմանված կարգով ընթացքավորել դրանք։

Բացահայտվել է նախկինում կատարված 3 հանցագործություն:

Նախորդ շաբաթվա համեմատ՝ նոյեմբերի 22-ից 28-ն ընկած ժամանակահատվածում 6 դեպքով աճել են ճանապարհատրանսպորտային պատահարների դեպքերը:
Հանրապետության տարածքում գրանցվել է ճանապարհատրանսպորտային 32 պատահար, որից 28-ը նյութական վնասով, 4-ը՝ մարմնական: Բուժհաստատություն է դիմել 6 քաղաքացի:

Յոթ օրվա ընթացքում Արցախի տարածքում առանց վարորդական վկայականի տրանսպորտային միջոց է շահագործել 29 վարորդ, 18-ը եղել է անսթափ վիճակում, 466 վարորդ գերազանցել է սահմանված արագությունը:

Համակարգի բոլոր ստորաբաժանումները հանրապետության տարածքում շարունակում են իրականացնել շուրջօրյա կազամակերպված աշխատանք՝ հանցավորության դեմ պայքարի արդյունավետ կազմակերպման և կայուն հասարակական կարգ ու կանոն պահպանելու ուղղությամբ: