20.06.2022 16:58
Ոստիկանության լեյտենանտ Բենիկ Դավթի Համբարձումյանի ծննդյան օրն է այսօր: Նա կդառնար 26 տարեկան:
Ոստիկանության համակարգում Բենիկը ծառայում էր 2020 թվականի սեպտեմբերի 10-ից՝ տնտեսական և կոռուպցիոն հանցագործությունների դեմ պայքարի վարչության տնտեսական հանցագործությունների դեմ պայքարի բաժնում՝ որպես օպեր լիազոր։
Մասնակից էր նաև 2016 թվականի ապրիլյան պատերազմին: 2020 թվականի սեպտեմբերի 27-ից ոստիկանության համահավաք գումարտակի ծառայողների հետ մասնակցել է ռազմական գործողություններին:
Զոհվել է 2020 թվականի հոկտեմբերի 16-ին՝ Հադրութի շրջանի «Թութակ» տեղամասում: Հուղարկավորվել է Երևանի «Եռաբլուր» զինվորական պանթեոնում:
ՀՀ-ում Արցախի Հանրապետության ոստիկանության ներկայացուցիչ Արթուր Հովհաննիսյանը և համակարգի մի խումբ ծառայողներ, այսօր հարգանքի տուրք են մատուցել Բենիկ Համբարձումյանի շիրիմին, զորակցություն հայտնել Համբարձումյանների ընտանիքին: