ԿԱՅՔԻ ՔԱՐՏԵԶ
ԹԵԺ ԳԻԾ
23.03.2021 12:22
Ոստիկանության ծառայողները գործել են օպերատիվ
Մարտի 22-ին Մարտակերտի շրջանի բնակիչ, 1977թ.ծնված Է. Մ.-ն հեռախոսով հաղորդել է այն մասին, որ «Ասֆալտ զավոդ» կոչվող տեղամասի մոտակայքում գողություն է կատարվում:
Ոստիկանության շրջանային բաժնի Գետավանի բաժանմունքի ծառայողները պարզել են, որ նույն օրը ժամը 18:10-ի սահմաններում ՀՀ Արարատ քաղաքի բնակիչ 1985թ.ծնված Ս. Ս.-ն և ՀՀ Արարատի մարզի բնակիչ, 1995թ.ծնված Վ. Մ.-ն նշված ընկերությանը պատկանող «Ասֆալտ զավոդ» կոչվող տեղամասի մոտակայքում առկա երկաթյա աղացների տարրաներից գաղտնի հափշտակել են 6 պարկ կիսալցված հետագայում մշակման համար նախատեսված կոնցենտրանտ (հումք) և բարձել Ս. Ս.-ին պատկանող «ֆորդ տրանզիտ» մակնիշի ավտոմեքենան: Նշված ավտոմեքենայի զննության ժամանակ Ս. Ս.-ն մեքենայի մոխրամանից հանել և ներկայացրել է 1 թղթե փաթեթ, որի մեջ առկա էր դեղնականաչավուն գույնի ծխախոտի մնացորդների հետ խառնված սպեցիֆիկ հոտով թմրանյութի նմանվող զանգված:
Նշված անձանց բերման են ենթարկել ոստիկանության Մարտակերտի շրջանային բաժին:
Ստուգմամբ զբաղվում է ոստիկանության Մարտակերտի շրջանային բաժինը:
