ԿԱՅՔԻ ՔԱՐՏԵԶ
ԹԵԺ ԳԻԾ
15.02.2021 11:26
Ոստիկանության ծառայողների կողմից թմրամիջոցների դեմ պայքարը շարունակվում է
Փետրվարի 13-ին ժամը 21:30-ի սահմաններում, ոստիկանության Ասկերանի շրջանային բաժնի ծառայողները ապօրինի թմրանյութ պահելու կասկածանքով զննության են ենթարկել Ասկերանի շրջանի բնակիչ, 1968թ.ծնված Հ. Գ.-ին պատկանող նույն գյուղի տարածքում տեղակայված «Տաք տուն» ՍՊԸ քարամշակման արտադրամասում գտնվող թիթեղյա տնակը, որտեղ առկա մետաղյա պահարանից հայտնաբերվել է վերջինիս պատկանող պոլիէթիլենի շշի մեջ առկա 39.51 գրամ, իսկ բաճկոնի գրպանում 2 փաթեթ ընդհանուր 1.5 գրամ «Մարիխուանա» տեսակի թմրանյութին նմանվող զանգվածներ և 1 հատ կաթուցիչ, որի մեջ առկա է կանաչ գույնի թմրանյութի նմանվող զանգված:
Ստուգմամբ զբաղվում է ոստիկանության Ասկերանի շրջանային բաժինը:
Փետրվարի 13-ին ԱՀ ոստիկանության քրեական հետախուզության վարչության ծառայողները՝ ոստիկանության Ասկերանի շրջանային բաժնի ծառայողների հետ համատեղ թմրանյութ պահելու կասկածանքով նույն օրը ժամը 10:00-ին զննությամբ Ասկերանի շրջանի բնակիչ, 1972թ.ծնված Լ. Հ.-ի բաճկոնի գրպանում հայտնաբերել են 3,31 գրամ քաշով կանաչ գույնի թմրանյութի նմանվող չորացված և մանրացված զանգված, իսկ նրան պատկանող «ՎԱԶ-2107» մակնիշի ավտոմեքենայի հետևի նստատեղին դրված բաճկոնի գրպանում՝ 2 կաթուցիչ որոնց մեջ առկա էր սև գույնի նստվածք և կանեփ տեսակի 145 հատ սերմ:
Ստուգմամբ զբաղվում է ԱՀ ոստիկանության ՔՀ վարչությունը: